Betty Compson
Betty Compson | |
|---|---|
_-_2.jpg) | |
| Vida | |
| Nacimientu |
Beaver (es)  , 19 de marzu de 1897[1] |
| Nacionalidá |
 Estaos Xuníos |
| Muerte | Glendale, 18 d'abril de 1974[1] (77 años) |
| Sepultura |
San Fernando Mission Cemetery (en) |
| Causa de la muerte | infartu de miocardiu |
| Familia | |
| Casada con | James Cruze (1925 – 1930) |
| Estudios | |
| Llingües falaes | inglés[2] |
| Oficiu | actriz de teatru, actriz de cine, productora de cine, violinera |
| Premios | |
| Nominaciones |
ver
|
| Instrumentu musical | violín |
| IMDb | nm0173993 |
 | |
Betty Compson (19 de marzu de 1897, Beaver (es) – 18 d'abril de 1974, Glendale) foi una actriz cinematográfica d'Estaos Xuníos.
Biografía
[editar | editar la fonte]El so verdaderu nome yera Eleanor Luicime Compson, y nació en Beaver (Utah). Siendo mozu finó'l so padre, y viose forzada a dexar los estudios y trabayar. Llogró un emplegu como violinista nun teatru de Salt Lake City, Utah.
Compson rodó 25 filmes en 1916, anque la mayor parte yeren curtios. Actuó como Rose en The Miracle Man (1919), dirixida por George Loane Tucker, papel col cual consiguió l'estrellalgu.
En 1920 empezó a dirixir la so propia compañía. Trabayó nel estudiu Brunton, en Hollywood, y adquirió tres guiones pa los sos proyeutos. La so primer película como productora foi Prisoners of Love (1921), na cual faía'l papel de Blanche Davis. La obra foi dirixida por Art Rosson.
Compson tamién trabayó pa la compañía Christie y pa Famous Players-Lasky. En completando The Woman With Four Cares (1923), robló un contratu con una productora de Londres, Inglaterra. Ellí protagonizó una serie de cuatro películes empobinaes por Graham Cutts, un conocíu cineasta inglés. La primera de les películes foi una versión cinematográfica d'una obra teatral llamada Woman to Woman (1924).
En 1928 actuó en The Barker, una película muda que contenía delles escenes falaes. Compson foi nomada al Óscar a la meyor actriz pola so interpretación. Unu de los sos meyores filmes foi Docks of New York, notable pol so escuru ambiente visual y sobeyoses interpretaciones. En 1930 rodó una versión de The Spoilers, na cual interpretaba'l papel que, na versión de 1942, fadría Marlene Dietrich, ente que'l personaxe de Gary Cooper sería interpretáu nesa mesma versión por John Wayne.
La última película de Compson foi Here Comes Trouble (1948). Ella retiróse n'actuando en dichu filme, y dedicóse, al pie del so home, a la direición d'un negociu llamáu "Ashtrays Unlimited".
Compson casóse en trés causes. Ente 1924 y 1930 tuvo casada col direutor James Cruze. Darréu casóse y divorcióse de Irving Weinberg. El so tercer home foi Silvius Jack Gall, que finó en 1962.
Betty Compson morrió en 1974, por causa de un ataque cardiacu, na so casa en Glendale, California. Tenía 77 años. Foi soterrada nel Campusantu San Fernando Mission en San Fernando (California).
Bibliografía
[editar | editar la fonte]- Los Angeles Times, Betty Compson Has Film Unit, 15 de febreru de 1920, páxina III1.
- Los Angeles Times, Betty Compson Star, 2 de xineru de 1921, páxina III20.
- Los Angeles Times, Flaxes; Star To Travel Betty Compson Signs For London Films, 5 d'abril de 1923, páxina II7.
- Los Angeles Times, Ex-Film Star Betty Compson, 23 d'abril de 1974, páxina A4.
- Ogden (Utah) Standard-Examiner, Closeup and Comedy, Monday Evening, 25 de mayu de 1934, páxina 7.
Referencies
[editar | editar la fonte]- ↑ 1,0 1,1 Biblioteca Nacional de Francia. «autoridaes BNF» (francés). Consultáu'l 10 ochobre 2015.
- ↑ «idRef» (francés). Agencia Bibliográfica de Enseñanza Superior. Consultáu'l 10 marzu 2020.
- ↑ Afirmao en: Internet Movie Database. Identificador IMDb: ev0000003/1930. Llingua de la obra o nome: inglés.
Enllaces esternos
[editar | editar la fonte]
Wikimedia Commons acueye conteníu multimedia sobre Betty Compson.- Betty Compson na Internet Movie Database (n'inglés)
- «Betty Compson». en Find a Grave. (n'inglés)
- Fotografíes de Betty Compson
Datos: Q255846- Multimedia: Betty Compson