89 Herculis

De Wikipedia
Saltar a navegación Saltar a la gueta
89 Herculis
89 Herculis
Constelación Hércules
Ascensión reuta α 17h 55min 25,19s
Declinación δ +26º 03’ 00,0’’
Distancia 3196 años lluz (aprox)
Magnitú visual +5,47
Magnitú absoluta –4,49
Lluminosidá 7000 - 9000 soles (aprox)
Radiu 60 soles
Tipu espectral F2Ibe
Velocidá radial –28,5 km/s

89 Herculis (89 Her / HD 163506 / HR 6685) ye una estrella na constelación d'Hércules de magnitú aparente +5,47.[1] La midida direuta de la paralax asitia a 89 Herculis a daqué más de 3000 años lluz del Sistema Solar, pero los errores inherentes a la mesma midida faen qu'esti valor nun seya fiable. Llixeramente variable, con una oscilación nel so rellumu de 0,2 magnitúes, recibe la denominación de variable V441 Herculis.[2]

89 Herculis ye una superxigante mariella de tipu espectral F2Ibe[1] con una lluminosidá ente 7000 y 9000 vegaes superior a la del Sol. Ye una fonte emisora de radiación infrarroxo[3] proveniente d'una envoltura gaseosa qu'arrodia a la estrella. Esta envoltura, compuesta fundamentalmente d'hidróxenu pero rica en oxíxenu, tien el so cantu interior a 100 UA de la estrella, tando'l so cantu esterior unes 100 vegaes más alloñáu. La estrella, con un radiu 60 vegaes más grande qu'el radiu solar, creó la envoltura per mediu d'un fuerte vientu estelar y esperimenta una continua perda de masa.[4]

89 Herculis alcuéntrase na fases finales de la so evolución estelar. Representa una etapa posterior a les variables Mira, y ta en cursu de dexar al descubiertu'l so nucleu esprendiéndose de les sos capes esteriores pa formar una protonebulosa planetaria. Ye la única estrella d'estes carauterístiques observable a simple vista. La contraición posterior de dichu nucleu va dar llugar a una nana blanca.[4]

Referencies[editar | editar la fonte]

Coordenaes: Sky map 17h 55m 25.188s, 26° 2 59.97