85 Pegasi
| Constelación | Pegasu |
| Ascensión reuta α | 00h 02min 10,2s |
| Declinación δ | +27º 04’ 56’’ |
| Distancia | 40,5 años lluz |
| Magnitú visual | +5,75 / +8,89 |
| Magnitú absoluta | +5,28 / +8,54 |
| Lluminosidá | 0,61 / 0,071 soles |
| Temperatura | 5550 / 4200 K |
| Masa | 0,88 / 0,55 soles |
| Tipu espectral | G5V / K7V |
| Velocidá radial | –36,2 km/s |
85 Pegasi (85 Peg / HD 224930 / HR 9088)[1][2] ye un sistema estelar na constelación de Pegasu asitiáu a 40,5 años lluz del Sistema Solar.
La componente principal del sistema, 85 Pegasi A (GJ 914 A), ye una nana mariella de tipu espectral G5V y magnitú aparente +5,75[1] daqué más pequeña qu'el Sol. La so temperatura superficial ye de 5550 K y la so lluminosidá equival al 61% de la lluminosidá solar. Tien una masa de 0,88 mases solares.[3]
A una distancia media de 10,3 UA de la componente A orbita 85 Pegasi B (GJ 914 B), una nana naranxa de tipu K7V y 4200 K de temperatura. Emplega 26,28 años en completar una vuelta al so alredor y, por cuenta de la escentricidá de la órbita, la distancia ente dambes varia ente 6,4 y 14,2 UA. Piénsase que 85 Pegasi B ye de la mesma una binaria cercana compuesta por dos estrelles de 0,55 y 0,11 mases solares. La lluminosidá de 85 Pegasi Ba, la más brillosa del par, ye poco mayor del 7% de la lluminosidá solar; la tenue acompañante, 85 Pegasi Bb, sería una nana colorada 35 vegaes menos lluminosa que la so compañera.[3] La separación ente estos dos estrelles ye de 2 UA.
La edá del sistema paez ser significativamente mayor que la del Sol, envalorándose en 9345 ± 500 millones d'años. Tien una metalicidá bien baxa, en redol a un 27% de la solar.[3]
Ver tamién[editar | editar la fonte]
Referencies[editar | editar la fonte]
- ↑ 1,0 1,1 85 Pegasi A (SIMBAD)
- ↑ 85 Pegasi (The Bright Star Catalogue)
- ↑ 3,0 3,1 3,2 J. Fernandes, P. Morel, Y. Lebreton. «A calibration of the 85 Peg binary system». Astronomy and Astrophysics 392: pp. 529–533. https://www.aanda.org/index.php?option=article&access=bibcode&bibcode=2002A%2526A...392..529F. Consultáu 'l 24 de setiembre de 2008.
Coordenaes: 
0h 2m 10.341s, 27° 4′ 54.477″
Datos: Q384288