83 Leonis

De Wikipedia
Saltar a: navegación, buscar
83 Leonis
83 Leonis A/B
Constelación Lleo
Ascensión reuta α 11h 26min 45,32/46,28s
Declinación δ +03º 00’ 47,2/22,8’’
Distancia 57,6 años-lluz
Magnitú visual +6,49 / +7,57
Magnitú absoluta +5,25 / +6,29
Lluminosidá 0,66 / 0,24 soles
Radiu 1,9 / 0,81 soles
Masa 1 / 0,88 soles
Tipu espectral G6/8-K0IV / K2V-IV
Velocidá radial –2,9 km/s

83 Leonis (83 Lleo / GJ 429 AB) ye una estrella binaria na constelación de Lleo, asitiada al sur de Duhr (δ Leonis), oeste de Zavijava (β Virginis) y este d'α Sextantis. El sistema, conocíu tamién como Struve 1540 AB, alcuéntrase a 58 años lluz de distancia de la Tierra. Conócense dos planetes estrasolares alredor d'una de les componentes del sistema.

83 Leonis ye una binaria amplia que les sos componentes, separaes visualmente 28 segundos d'arcu, alcuéntrase a unes 720 UA de distancia ente sigo y muévense nuna órbita escéntrica (ε = 0,46) que completen nunos 32.000 años. Una tercer estrella a 90,3 segundos d'arcu paez que nun ye una compañera real y a cencielles ta na mesma llinia de visión.

83 Leonis A (HD 99491), la estrella principal, ye una subxigante mariellu-naranxa de tipu espectral G6/8-K0IV de magnitú aparente +6,49. El so radiu ye 1,9 vegaes mayor qu'el radiu solar, con una lluminosidá del 66% de la que tien el Sol. El so metalicidá ye ente 1,2 y 2,3 vegaes mayor que la solar. 83 Leonis B (HD 99492) ye una nana naranxa —anque tamién pudiera ser una subxigante— de tipu K2V-IV y magnitú +7,57. Con un radiu equivalente al 88% del radiu solar, la so lluminosidá ye namái'l 24% de la del Sol, y la so masa el 88% de la masa solar.

Sistema planetariu[editar | editar la fonte]

En 2005 afayóse alredor de 83 Leonis B un planeta (HD 99492 b) con una masa mínimo de 36 vegaes la masa terrestre o'l 11% de la masa de Xúpiter. Asitiáu mui cerca de la estrella —a 0,12 UA, una tercer parte de la distancia ente Mercuriu y el Sol— completa una órbita cada 17,04 díes.

Un segundu planeta más esternu, afayáu en 2010 y denomináu HD 99492 c, orbita a una distancia media de 5,4 UA de 83 Leonis B. El so periodu orbital ye de 4970 díes.

Acompañante
(N'orde dende la estrella)
Masa
(MJ)
Períodu orbital
(días)
Semiexe mayor
(UA)
Excentricidá
HD 99492 b > 0,109 ± 0,013 17,0431 ± 0,047 0,1232 ± 0,0071 0,254 ± 0,092
HD 99492 c > 0,36 ± 0,02 4970 ± 149 5,4 ± 0,1 0,106 ± 0,006

Ver tamién[editar | editar la fonte]

Referencies[editar | editar la fonte]