Zavijava

De Wikipedia
Saltar a navegación Saltar a la gueta
Zavijava
Ficha d'oxetu celesteZavijava
Datos d'observación
Ascensión reuta (α) 177,67382599583 °[1]
Declinación (δ) 1,7647197275 °[1]
Distancia a la Tierra 11,1203 pc
Magnitú aparente (V) 3,6 (banda V)
Magnitú absoluta 3,41
Constelación Virgu[4]
Velocidá de rotación 6,4 km/s[5]
Velocidá radial 0,43 km/s[2]
Parallax 89,9258 mas[2]
Carauterístiques físiques
Masa 1,25 M☉
Otros nomes
Cambiar los datos en Wikidata

Coordenaes: Sky map 11h 50m 41.718s, 1° 45 52.991

Zavijava (β Virginis / β Vir / 5 Virginis) ye una estrella asitiada na constelación de Virgu de magnitú aparente +3,61.[6]

Nome[editar | editar la fonte]

Zavijava o Zavijah ye un nome d'orixe árabe que provién de Zawiyat al-Awwa y significa «esquina del que llate». Tamién se conoz a esta estrella como Zarijan, nome procedente de Al-Zawiah, «l'ángulu» o «la esquina». Otros títulos indíxenes que recibió fueron Al Bard, «la fría», pos se dixo que producía fríu; tamién Warak al Asad, «les ancas del lleón», yá que na astronomía árabe Lleo yera un lleón más grande que l'actual.[7] Alaraph o Al Araf son nomes menos frecuentes usaos pa designar a Beta Virginis.

Xuntu con Minelava (δ Virginis), Zaniah (η Virginis), Porrima (γ Virginis) y Vindemiatrix (ε Virginis) formaba un grupu d'estrelles conocíu na antigua Arabia como Al 'Awwa', que paez que representaba una caseta pa perros o un perru llatiendo.[7]

Carauterístiques físiques[editar | editar la fonte]

Zavijava ye una nana mariella de tipu espectral F9V hasta ciertu puntu similar al nuesu Sol anque, siendo la so temperatura de 6059 K, ye unos 280 K más caliente. Midióse'l so diámetru angular utilizando'l interferómetro estelar de la Universidá de Sydney, llográndose un valor pa el so radiu de 1,703 ± 0,022 radios solares. Tien una masa ente un 30% y un 40% mayor que la masa solar y piénsase que ta a puntu d'abandonar la secuencia principal.[8]

Zavijava relluma con una lluminosidá 3,5 vegaes mayor que la lluminosidá solar. La so velocidá de rotación ye de siquier 3 km/s, completando una vuelta en menos de 28 díes. Ye más rica que'l Sol n'elementos pesaos, con un conteníu en fierro un 30% mayor que la solar, pero a diferencia d'ésti paez tener poca actividá magnética.[9] La so edá envalórase ente 3240 y 4010 millones d'años.[10] Alcuéntrase relativamente próxima a nós, a namái 36 años lluz de distancia. Estes carauterístiques fixeron que Zavijava tea ente los oxetivos prioritarios del Terrestrial Planet Finder (TPF) pa la busca de planetes terrestres que puedan allugar vida. La estrella conocida más cercana a ella ye Ross 119, que s'atopa a una distancia de 5,2 años lluz.[11]

Al tar cerca de la eclíptica, Zavijava puede ser despintada pola Lluna y en rares ocasiones por planetes. El próximu tapecimientu va producise'l 11 d'agostu de 2069 por Venus. Zavijava foi la estrella utilizada por Albert Einstein mientres l'eclís solar del 21 de setiembre de 1922 —que tuvo llugar cerca d'ella— pa determinar la velocidá de la lluz nel espaciu.[7]

Ver tamién[editar | editar la fonte]

Referencies[editar | editar la fonte]

  1. 1,0 1,1 Floor van Leeuwen (2007). «Validation of the new Hipparcos reduction» (n'inglés). Astronomy and Astrophysics (2):  páxs. 653–664. doi:10.1051/0004-6361:20078357. 
  2. 2,0 2,1 2,2 Afirmao en: Gaia DR2. Llingua de la obra o nome: inglés. Data de publicación: 25 abril 2018.
  3. Afirmao en: Catalogue of Stellar Photometry in Johnson's 11-color system. Llingua de la obra o nome: inglés. Data de publicación: 2002.
  4. Afirmao en: VizieR. Llingua de la obra o nome: inglés.
  5. «Abundances in the local region. II. F, G, and K dwarfs and subgiants». The Astronomical Journal (1):  páxs. 21–21. 21 avientu 2016. doi:10.3847/1538-3881/153/1/21. 
  6. LHS 2465 -- High proper-motion Star (SIMBAD)
  7. 7,0 7,1 7,2 Zavijava (The Fixed Stars)
  8. North, J. R.; Davis, J.; Robertson, J. G.; Bedding, T. R.; Bruntt, H.; Ireland, M. J.; Jacob, A. P.; Lacour, S.; O'Byrne, J. W.; Owens, S. M.; Stello, D.; Tangu, W. J.; Tuthill, P. G. (2009). «The radius and other fundamental parameters of the F9V star β Virginis». Monthly Notices of the Royal Astronomical Society 393 (1). pp. 245-252. http://adsabs.harvard.edu/cgi-bin/bib_query?arXiv:0811.1804. 
  9. Zavijava (Stars, Jim Kaler)
  10. Eggenberger, P.; Carrier, F. (2006). «Modeling β Virginis using seismological data». Astronomy and Astrophysics 449 (1). pp. 293-303. http://cdsads.u-strasbg.fr/cgi-bin/nph-bib_query?2006A%26A...449..293Y&db_key=AST&nosetcookie=1. 
  11. Beta Virginis (Solstation)

Coordenaes: Sky map 11h 50m 41.718s, 1° 45 52.991