5 Lacertae
Coordenaes: 
22h 29m 31.823s, 47° 42′ 24.793″
5 Lacertae (5 Lac / HD 213311 / HR 8752 / HIP 111022)[10] ye una estrella binaria na constelación Lacerta que s'atopa a más de 1100 años lluz de distancia del Sistema Solar. Con magnitú aparente +4,37 ye la tercer estrella más brillosa de la constelación dempués d'α Lacertae y 1 Lacertae.
5 Lacertae ye una binaria espectroscópica de llargu periodu —41,95 años— que pudo ser resuelta por interferometría de moteáu. Los dos componentes, separaes 0,1 segundos d'arcu, son dos estrelles de carauterístiques físiques desemeyaes. La estrella más brillosa ye una fría xigante colorada lluminosa de tipu espectral M0II, ente que'l so acompañante ye una estrella caliente de la secuencia principal de tipu B8V.[11] A partir del so diámetru angular, 5,43 milisegundos d'arcu —valor llográu indireutamente per aciu espectrofotometría considerando'l escurecimientu de llimbu—,[12] puede conocese aproximao, dada la incertidume na distancia, el tamañu real de la estrella xigante. El so diámetru ye aproximao 273 vegaes más grande que'l del Sol. Tien una temperatura efectivo d'unos 3700 K y una masa envalorada ente 7,7[13] y 9,8 mases solares.[14] El sistema, que la so edá cífrase en 25 millones d'años,[14] relluma con una lluminosidá 26.000 vegaes mayor que la del Sol.
5 Lacertae ye una variable irregular, que'l so rellumu varia ente magnitú +4,37 y +4,56. Recibe la denominación de variable V412 Lacertae.[10]
Referencies[editar | editar la fonte]
- ↑ 1,0 1,1 1,2 1,3 Afirmao en: SIMBAD.
- ↑ Dimitri Pourbaix (setiembre 2004). «SB9: The ninth catalogue of spectroscopic binary orbits» (n'inglés). Astronomy and Astrophysics (2): páxs. 727–732. doi:.
- ↑ Afirmao en: General Catalogue of Variable Stars.
- ↑ 4,0 4,1 Floor van Leeuwen (2007). «Validation of the new Hipparcos reduction» (n'inglés). Astronomy and Astrophysics (2): páxs. 653–664. doi:.
- ↑ Afirmao en: Catalogue of Stellar Photometry in Johnson's 11-color system. Stated in source according to: SIMBAD. Llingua de la obra o nome: inglés. Data d'espublización: 2002.
- ↑ B. Famaey (xineru 2005). «Local kinematics of K and M giants from CORAVEL/Hipparcos/Tycho-2 data» (n'inglés). Astronomy and Astrophysics (1): páxs. 165–186. doi:.
- ↑ Afirmao en: Gaia DR2. Stated in source according to: SIMBAD. Llingua de la obra o nome: inglés. Data d'espublización: 25 abril 2018.
- ↑ Gerard T. van Belle (20 avientu 2017). «Fundamental Parameters of 87 Stars from the Navy Precision Optical Interferometer» (n'inglés). The Astronomical Journal (1). doi:.
- ↑ «Spectral Classification of the Hot Components of a Large Sample of Stars with Composite Spectra, and Implication for the Absolute Magnitudes of the Cool Supergiant Components». The Astrophysical Journal Supplement Series (2): páxs. 513–537. avientu 2002. doi:.
- ↑ 10,0 10,1 5 Lacertae (SIMBAD)
- ↑ V0412 Lacertae (The Bright Star Catalogue)
- ↑ Richichi, A.; Percheron, I.; Khristoforova, M. (2005). «CHARM2: An updated Catalog of High Angular Resolution Measurements». Astronomy and Astrophysics 431 (4). páxs. 773-777 (Tabla consultada en CDS). http://cdsads.u-strasbg.fr/cgi-bin/nph-bib_query?2005A%26A...431..773R&db_key=AST&nosetcookie=1.
- ↑ Hohle, M. M.; Neuhäuser, R.; Schutz, B. F. (2010). «Masses and luminosities of O- and B-type stars and rede supergiants». Astronomische Nachrichten 331 (4). p. 349. http://cdsads.u-strasbg.fr/cgi-bin/nph-bib_query?2010AN....331..349H&db_key=AST&nosetcookie=1.
- ↑ 14,0 14,1 Tetzlaff, N.; Neuhäuser, R.; Hohle, M. M. (2011). «A catalogue of young runaway Hipparcos stars within 3 kpc from the Sun». Monthly Notices of the Royal Astronomical Society 410 (1). páxs. 190-200. http://adsabs.harvard.edu/cgi-bin/nph-bib_query?2011MNRAS.410..190T&db_key=AST&nosetcookie=1.
Coordenaes: 22h 29m 31.823s, 47° 42′ 24.793″
Datos: Q128609