27 Canis Majoris

De Wikipedia
Saltar a navegación Saltar a la gueta
27 Canis Majoris
27 Canis Majoris A/B
Constelación Canis Major
Ascensión reuta α 07h 14min 15,21s
Declinación δ -26º 21’ 09,0’’
Distancia 1590 ± 450 años lluz
Magnitú visual +4,42 (+4,9 / +5,4) (media)
Magnitú absoluta -4,00 (-3,5 / -3,0) (media)
Lluminosidá 15.600 soles (conxunta)
Temperatura 17.100 K (conxunta)
Tipu espectral B3IIIe (conxuntu)
Velocidá radial 0 km/s

27 Canis Majoris (27 CMa / HD 56014 / HR 2745)[1] ye un sistema estelar na constelación del Can Mayor de magnitú aparente media +4,66. Alcuéntrase a unos 1590 años lluz de distancia del Sistema Solar.

La componente primaria, 27 Canis Majoris A, ye una xigante azul de magnitú aparente +4,9. Amás ye una binaria espectroscópica con un periodu orbital de 6,28 hores.[2]

La componente secundaria, 27 Canis Majoris B, ta dixebrada de la componente principal 0,1 segundos d'arcu y tien un periodu orbital de 31 años. De magnitú +5,4, ye una estrella variable eruptiva del tipu Gamma Cassiopeiae. Ello fai que'l rellumu del sistema fluctúe ente +4,42 y +4,82,[2] recibiendo la denominación de variable EW Canis Majoris. Al igual qu'otres variables d'esta clase, ta catalogada como una estrella con envoltura.[2]

El tipu espectral conxuntu de 27 Canis Majoris ye B3IIIe y la so lluminosidá bolométrica —en toles llonxitúes d'onda— ye 15.600 vegaes superior a la lluminosidá solar. La so temperatura efectivo calculada ye de 17.100 K.[3] La velocidá de rotación midida ye de 290 km/s,[4] constituyendo esti valor una llende inferior. Presenta una metalicidá —bayura relativa d'elementos más pesaos que'l heliu— significativamente inferior a la solar ([M/H] = -0,47 ± 0,18).[5] La edá del sistema envalórase en 23 millones d'años.[6]

Referencies[editar | editar la fonte]