20 Sextantis

De Wikipedia
Saltar a navegación Saltar a la gueta
Ficha d'oxetu celeste20 Sextantis
Datos d'observación
Ascensión reuta (α) 153,43491205291 °[1]
Declinación (δ) −7,3840419587915 °[1]
Distancia a la Tierra 53,5662 pc
Magnitú aparente (V) 7,22 (banda V)
Constelación Sextans[3]
Velocidá radial 14,33 km/s[1]
Parallax 18,6685 mas[1]
Radiu 1,54 Radius solars
Otros nomes
Cambiar los datos en Wikidata

Coordenaes: Sky map 10h 13m 44.379s, -7° 23 2.551

20 Sextantis (20 Sex)[4] ye una estrella na constelación de Sextans, el sestante. Tien magnitú aparente +7,22 y ta, d'alcuerdu al nuevu amenorgamientu de los datos de paralax d'Hipparcos, a 169 años lluz de distancia del Sistema Solar.

20 Sextantis ye una nana mariella de tipu espectral F7V, siendo les sos carauterístiques bien paecíes a les de θ Persei A, ι Piscium o ξ Capricorni, anque ta más alloñada de nós qu'éstes. Tien una temperatura efectivo de 6577 ± 70 K —800 K más caliente que'l Sol— y el so radiu ye un 26% más grande que'l radiu solar.[5] Xira sobre sigo mesma con una velocidá de rotación proyeutada de 22 km/s —llende inferior de la mesma—,[6] polo que rota siquier 10 vegaes más apriesa que'l Sol. Presenta un conteníu metálico llixeramente inferior a la solar; dos estudios distintos determinen valores de -0,04[6] y -0,11[7] pal so índiz de metalicidá [Fe/H].

20 Sextantis tien una masa de 1,27 mases solares y la so edá envalórase en 3000 millones d'años.[6] Al igual que'l Sol y la mayor parte de les estrelles de la nuesa redolada, 20 Sextantis ye una estrella del discu finu.[7]

Referencies[editar | editar la fonte]

Coordenaes: Sky map 10h 13m 44.379s, -7° 23 2.551