18 Scorpii

De Wikipedia
Saltar a: navegación, buscar
18 Scorpii
18 Scorpii
Constelación Scorpius
Ascensión reuta α 16h 15min 37,3s
Declinación δ –08º 22’ 10,0’’
Distancia 45,7 ± 0,6 años-lluz
Magnitú visual +5,50
Magnitú absoluta +4,77
Lluminosidá 1,25 soles
Temperatura 5789 K
Radiu 1,02 soles
Masa 1,012 soles
Tipu espectral G2 V
Velocidá radial +11 km/s

18 Scorpii (18 Sco / HD 146233 / HR 6060 / GJ 616) ye una estrella nana mariella na constelación de Scorpius. Ta asitiada nel estremu norte de la mesma cerca de la llende con Ophiuchus, al noroeste de la estrella Zeta Ophiuchi. Tien magnitú aparente +5,50 y atópase a 45,7 años lluz del Sistema Solar.

Carauterístiques físiques[editar | editar la fonte]

Les carauterístiques físiques de 18 Scorpii son bien similares al Sol, polo que dellos astrónomos consideren que ye'l ximielgu solar más cercanu. De tipu espectral G2 V y estrella única, la so masa ye 1,012 vegaes la masa solar, el so radiu 1,02 - 1,03 vegaes el radiu solar y la so lluminosidá 1,05 vegaes la del Sol. La so metalicidá paez daqué mayor que la solar, en redol a un 5 - 12% mayor. La edá de 18 Scorpii envalórase nunos 4200 millones d'años, apenes 350 millones d'años más nuevu que'l Sol.

Otros parámetros como velocidá de rotación o ciclu d'actividá magnética tamién son paecíos en dambes estrelles. Asina, 18 Scorpii completa una vuelta en 23 díes, en comparanza a los 25,7 qu'emplega'l Sol. Sicasí, el ciclu d'actividá magnética en 18 Scorpii puede ser de más amplitú que nel Sol polo que la so actividá cromosférica global podría ser significativamente mayor.

Comparanza ente 18 Scorpii y el Sol[editar | editar la fonte]

Estrella Tipu espectral Radiu (Rsol) Masa (Msol) Lluminosidá
(Sol = 1)
Temperatura
(K)
Metalicidá
(Sol = 1)
Edá
(1)
Rotación
(díes)
Ciclu d'actividá magnética (años)
18 Scorpii G2V 1,02 1,012 1,05 5789 ~ 1,08 4200 23 9 - 13
Sol G2V 1 1 1 5777 1 4577 25,7 11

(1) = Millones d'años

Les especiales carauterístiques de 18 Scorpii faen d'esta estrella un oxetivu prioritariu na busca de planetes terrestres que puedan allugar vida.

Ver tamién[editar | editar la fonte]

Referencies[editar | editar la fonte]