Ḥarare

De Wikipedia
Saltar a: navegación, buscar
Ḥarare
Bandera de Zimbabue Zimbabue
Harare skyline.jpg
Flag of Harare.svg Coat of arms of Harare.svg
Alministración
República Bandera de Zimbabue Zimbabue
Province of Zimbabwe Harare Province
Tipu entidá capital
Nome oficial Солсбери
Хараре
Xeografía
Coordenaes 17°51′50″S 31°01′47″E / -17.863888888889, 31.029722222222Coordenaes: 17°51′50″S 31°01′47″E / -17.863888888889, 31.029722222222
Error de Lua en Módulu:Minimapa na llinia 442: Unable to find the specified Minimapa definition. Neither "Module:Minimapa/data/Zimbabue" nor "Template:Minimapa Zimbabue" exists.
Superficie 960.6 km²
Altitú 1492 m
Demografía
Población 1 606 000 hab. (2009)
Densidá 1671,87 hab/km²
Más información
Fundación 1890
Prefixu telefónicu 4
Estaya horaria UTC+02:00
Llocalidaes hermanaes Munich, Nottingham, Cincinnati, Prato, Lago, Buxton y Windhoek
hararecity.co.zw
Cambiar los datos en Wikidata

Ḥarare (denominada Salisbury hasta 1982) ye la ciudá más poblada y capital de Zimbabue. Tien una población envalorada en 1.600.000 habitantes, con unes 2.800.000 persones na so área metropolitana (2006). Ye'l centru alministrativu, comercial, y de comunicaciones de Zimbabue. Ye centru de comerciu pal tabacu, maíz, algodón y cítricos. La so actividá industrial inclúi la testil, aceru y química. Na zona hai mines d'oru.

Harare ye la see de la Universidá de Zimbabue, la mayor institución d'estudios terciarios de Zimbabue, que s'atopa nel suburbio de Mount Plesant a cinco kilómetros al norte del centru de la ciudá. A pesar del renombramiento de la ciudá, la mayoría de suburbios de la ciudá caltienen los sos nomes coloniales europeos que se remonten al sieglu XIX, tales como Warren Park 'D', Borrowdale, Mount Pleasant, Tynwald, Rotten Row y Rietfontein.

Harare ye famosa poles sos formoses cais, que tán afataes con jacarandes, y cuando florien, enllenen la ciudá col so formosu color rosado.

Historia[editar | editar la fonte]

Jacarandes na Avenida Montagu, nel Centru de Harare.

La ciudá foi fundada en 1890 como un fuerte pola "Columna Pionera", un grupu mercenariu entamáu por Cecil Rhodes. La ciudá foi originalmente llamada Salisbury n'honor al Tercer Marqués de Salisbury, quien nesi entós yera'l Primer Ministru del Reinu Xuníu. Llogró l'estatutu de ciudá en 1935. Salisbury foi entós daquella la capital de la Federación de Rhodesia y Nyasalandia dende 1953 hasta 1963.

El nome de la ciudá camudóse a Harare el 18 d'abril de 1982, nel segundu aniversariu de la independencia de Zimbabue, el nome derívase del nome del Xefe de la tribu shona, Neharawa.

Nos primeros años del sieglu XXI, Harare foi gravemente afectada pola crisis política y económica qu'apoderaba a Zimbabue, dempués de la difícil elección presidencial del 2002 y les elecciones parlamentaries del 2005. La xunta parlamentaria electa foi remplazada por una comisión gubernamental por cuenta de la so supuesta ineficiencia, y servicios esenciales como llimpieza pública y caltenimientu de les cais empioraron rápido. En mayu de 2006, el periódicu de Zimbabue Financial Gazette describió la ciudá nuna editorial como una "ciudá formosa convertida nun basureru".[1]

En mayu de 2005 el Gobiernu de Zimbabue baltó dellos asentamientos informales en Harare y otres ciudaes del país, no que se denominó Operation Murambatsvina (Operación "Sacar la Basura"). Esto causó una fuerte reacción na comunidá internacional porque dichu plan llevóse a cabu ensin nengún avisu previu, y ensin tener previstu albergues alternativos pa toos aquellos movíos.[2] Abarruntábase que'l plan foi parte d'una campaña de represalia a los sectores más probes de la población urbana, mayoritariamente favorables al partíu d'oposición, Movimientu pol Cambéu Democráticu, amenorgando d'esta miente les posibilidaes de protestes y acciones en contra del gobiernu por aciu la espulsión de opositores de les ciudaes. El gobiernu xustificó la operación indicando qu'intentaba amenorgar el crime, les epidemies y la prostitución.[3]

Clima[editar | editar la fonte]

Harare tien un prestosu clima subtropical de tierres altes (Clasificación climática de Köppen: Cwb). La temperatura medio añal ye de 17,95 °C (64,3 °F), lo que ye baxu pa les zones tropicales, y esto débese al so eleváu allugamientu y la prevalencia d'un frescu fluxu d'aire sur-oriental.[4]

Hai trés estaciones: una estación templao y húmedo de payares a marzu/abril; una estación frío y seco de mayu a agostu (que correspuende al iviernu nel hemisferiu sur); y una estación templada y ensuga en setiembre/ochobre. Los rangos de temperatures diaries son aprosimao de 7-22 °C (45-72 °F) en xunetu (el mes más fríu), alredor de 15-29 °C (59-84 °F) n'ochobre (el mes más calorosu) y alredor de 16 a 26 °C (61-79 °F) en xineru (plenu branu). L'añu más calorosu rexistráu foi 1914 con una temperatura medio añal de 19,73 °C (67,5 °F) y l'añu más fríu foi 1965 con 17,13 °C (62,8 °F).

La precipitación media añal ye d'unos 825 mm (32,5 pulgaes) nel sudoeste, llegando a 855 mm (33,7 pulgaes) na rexón alta del nordés (de Borrowdale a Glen Lorne). De normal cai bien poca agua mientres el períodu de mayu a setiembre, anque les precipitaciones esporádiques asoceden la mayoría de los años. Les precipitaciones varien enforma d'un añu a otru y siguen ciclos de períodos húmedos y secos de 7 a 10 años de duración.[5]

El clima favorez la vexetación natural de montes abiertos. L'árbol más común de la rexón local ye'l Msasa Brachystegia spiciformis que colorea de vinu tinto'l paisaxe coles sos nueves fueyes a finales d'agostu. Dos especies suramericanes d'árboles, el Jacaranda y el Flamboyan, que fueron introducíos mientres la dómina colonial, colorean les cais de la ciudá coles de les flores lila de la Jacaranda o les flores coloraes de la Flamboyán, que florien n'ochobre/payares y llántense nes cais de la capital. Tamién ye frecuente la Bougainvillea.

Ciudaes hermanes[editar | editar la fonte]

Ver tamién[editar | editar la fonte]

Referencies[editar | editar la fonte]

  1. Financial Gazette editorial del 17 de mayu de 2006 "Zimbabwe: It's Chombo's Fault" [1]
  2. Zimbabwe's Operation Murambatsvina: The Tipping Point?
  3. Operation Murambatsvina: A Crime Against Humanity
  4. Promedio para los años 1965-1995, Goddard Institute of Space Studies World Climate database
  5. Global Historic Climate Network database NGDC