Vuelta a Vetusta

Amestar enllaces
De Wikipedia
Vuelta a Vetusta
Xeneral
Tipu de competición carrera per etapes
Deporte ciclismu en ruta
País España
Competición
Periodicidá Cada añu
Cambiar los datos en Wikidata

La Vuelta a Vetusta ye una carrera ciclista de pocos díes que se disputa n'Uviéu. Ye válida pa les categoríes "Élite" y "sub 23". Nun se corría diba 19 años hasta qu'en 2018 volvió a disputase, organizada pol PCM Team Oviedo y la Federación Asturiana de Ciclismu y cola collaboración del Conceyu d'Uviéu.[1]

2018[editar | editar la fonte]

N'esta edición participaron 25 equipos (4 asturianos), xuntando 170 ciclistes. Foron 2 etapes, entamando'l 10 d'agostu n'Uviéu y final nel altu L'Angliru; al otru día la etapa tuvo entamu y final na capital asturiana.[2] La primer etapa salió d'Uviéu y terminó nel altu de L'Angliru tres percorrer 117 km. Ganó'l corredor ucraniu Anatolii Budiak, del equipu ULB Sports.[3] El percorríu de la segunda y última etapa foi de 160 km, con salida na catedral d'Uviéu y final na cai Uría. Julen Amarika, del equipu Telco.m Ederlan Frenkit, ganó esta etapa al esprín y l'ucraniu Anatolii Budiak foi'l vencedor final de la carrera.[4]

2019[editar | editar la fonte]

La carrera de 2019 disputóse los díes 10 y 11 d'agostu de 2019, corriendo casi 200 ciclistes xebraos en 20 equipos, 3 d'ellos de fuera d'España.[5] La primer etapa salió de la cai Tenderina y llegó al Naranco tres percorrer 142 km de distancia.[6]. El ganador foi'l corredor chilenu Elias Tello (del equipu Team Kuota-Construcciones Paulino), delantre del so compañeru Aliaksandr Piasetski.[7] La segunda etapa salió de la cai Río Dobra con direición a Cualloto y final na cai Argüelles, con un percorríu 143 km, tres pasar por delles llocalidaes del conceyu de Siero.[8] Ganó'l corredor Ángel Fuentes, del equipu Gomur-Cantabria Infinita nel esprín de la meta. Elias Tello foi'l ganador final de la carrera.[9]

Referencies[editar | editar la fonte]

  1. ↑ «Oviedo recupera la Vuelta a Vetusta después de 19 años» (castellán) (10 d'agostu de 2018). Consultáu'l 12 d'agostu de 2019.
  2. ↑ «La ciudad recupera la 'Vuelta a Vetusta' después de 19 años» (castellán) (10 d'agostu de 2018). Consultáu'l 12 d'agostu de 2019.
  3. ↑ «El ciclista ucraniano del ULB Sports - Natural Greatness fue el más fuerte en la ascensión al coloso asturiano» (castellán) (12 d'agostu de 2018). Consultáu'l 12 d'agostu de 2019.
  4. ↑ «Vuelta Vetusta: Amarika gana en Oviedo y Budjiak, vencedor final» (castellán) (12 d'agostu de 2018). Consultáu'l 12 d'agostu de 2019.
  5. ↑ «La Vuelta a Vetusta busca el sucesor de Budiak» (castellán) (10 d'agostu de 2019). Consultáu'l 12 d'agostu de 2019.
  6. ↑ «Rutómetro etapa 1» (castellán).
  7. ↑ «Doblete del Team Kuota en el Alto del Naranco» (castellán) (11 d'agostu de 2019). Consultáu'l 12 d'agostu de 2019.
  8. ↑ «Rutómetro etapa 2» (castellán).
  9. ↑ «Elias Tello se adjudica la Vuelta a Vetusta» (castellán) (12 d'agostu de 2019). Consultáu'l 12 d'agostu de 2019.
Sacáu de «https://ast.wikipedia.org/w/index.php?title=Vuelta_a_Vetusta&oldid=3410533»