Theta

Mayúscula y minúscula de la lletra theta.

Theta ye'l nome de la octava lletra del alfabetu griegu (θῆτα); na prenunciación erasmista equival a /θ/, el primer soníu de zapatu n'asturianu, na prenunciación orixinal corrspondíase cola oclusiva dental sorda aspirada /th/, que darréu evolucionó a la fricativa /θ/. Minúscula θ, mayúscula Θ. Suel trescribise como t. Provién de la lletra del alfabetu feniciu ţēt, que representaba una alveolar sorda enfática; al nun esistir en griegu un soníu tal, aprovechóse'l signu pa la representación de l'aspirada dental. Como signu numbéricu representaba'l nueve. En mayúscula sirve tamién pa designar l'octavu cantu de la Illíada d'Homeru y en minúscula l'octavu de la Odisea.