Terranova y Llabrador

De Uiquipedia
Saltar a: navegación, buscar
Bandera de Terranova y Llabrador.
Escudu de la provincia.
Mapa de la provincianel conxuntude Canadá.


Terranova y Llabrador (n'inglés Newfoundland and Labrador, en francés Terre-Neuve-et-Labrador, en gaélicu escocés Talamh an Éisc agus Labradóir) ye una provincia de Canadá.

Xeograficamente la provincia inclúi la Islla de Terranova y parte de la Península del Llabrador, península asitiada nel continente. Nun entamu la provincia entró la confederación canadiana col nome de Terranova nel 1949 y asina yera concida tola provincia. Por embargu, dende 1964 el gobiernu provincial autonómase Gobiernu de Terranova y Llabrador, siendo el 6 d'Avientu del 2001 cuando s'introduz un cambéu na constitución canadiense pa que'l nome oficial de la provincia seya Terranova y Llabrador. Na fala colloquial la xente inda aveza dicir Terranova cuando fala tola provincia.

La capital ye St. John's n'inglés y Saint-Jean en francés. La fastera continental llenda al sur cola provincia francófona del Quebec. Esta frontera, definida pol Conseyu de Londres en 1927, nun ta reconocida pol Quebec. Tamién tien una frontera terrestre piquiñina con Nunavut na Islla Killiniq nel estremu nortiegu de Llabrador. El territoriu francés de Saint Pierre y Miquelon allúgase a lo llargo de la costa suriega de la provincia. La provincia tien una población de 508.270 persones. La superficie total ye de 405.212 km2.


Llingües[editar | editar la fonte]

Terranova fala una variedá dialeutal de l'inglés canadián, l'inglés terranovín, por embargu, el francés y el gaélicu escocés tan esaniciaos cuasi dafechu.


Hestoria[editar | editar la fonte]

Los primeros pobladores europeos foron los viquingos. N'añu 1000 funden una colonia estable no qu'anguañu ye L'Anse aux Meadows na islla de Terranova. Los aperios y artefautos alcontraos en L'Anse aux Meadows, tan clasificaos como patrimoñu de la Humanidá pola UNESCO. Darréu l'esaniciu la colonia la islla foi habitada polos Inuits y los Beothuks.

Magar delles teoríes falen del conocimientu y visita davezu de distintos pueblos europeos a los grandes bancos pesqueros de la fastera sedrá l'esplorador xenovesu Giovanni Caboto (John Cabot n'inglés) del que quedara constancia hestórica documenada de la so toma de posesión de la islla pa la corona d'Inglaterra en 1497. Humphrey Gilbert funda la primera colonia de la islla en 1583 en St. John's. En 1610 John Guy establez una colonia en Cuper's Cove, anguaño conocida col nome Cupids, fayendo de Terranova la segunda colonia permanente inglesa n'América depués de Jamestown en Virxinia. El fíu de Nicholas Guy, ñacíu el 27 marzu 1613, ye primer neñu inglés en ñacer no que llueu sedría Canadá.

Los vascos, veceros habituales de los bancos de bacaláu dende entamos del sieglu XVI, fundaren Placentia, puertu frecuentáu tamién por pescadores bretones y normandos.

La colonia nun se fai provincia canadiana dafechu hasta'l 1949. Hasta esi intre yera un dominiu de l'Emperiu británicu con unes condiciones xurídiques separtaes de Canadá.

Paisax ñatural de Terranova.


Ver tamién[editar | editar la fonte]

Enllaces[editar | editar la fonte]