Stan Sakai

De Uiquipedia
Saltar a: navegación, buscar

Stan Sakai (Kyoto, Xapón, 25 de marzu de 1953) ye un dibuxante de cómic xaponés-americanu, creador del personaxe d'Usagi Yojimbo y ganador de tres premios Eisner.

Stan Sakai

A los dos años treslladóse cola so familia a vivir a Hawaii, onde estudió belles artes na Universidá. Más sero tamién estudió nel Art Center College of Design en Pasadena (California). Anguañu reside y trabaya en Los Ángeles.

Trabayó tamién como lletrista de cómic, especialmente nes aventures de Groo the Wanderer de Sergio Aragonés y Mark Evanier, aunque la so sonadía dientro del mundu de la historieta vino-y de la mano de la so creación más popular: Usagi Yojimbo, la épica saga de Miyamoto Usagi, un coneyu samurai del Xapón del sieglu XVII. Estes aventurés entamaron a ser asoleyaes en 1984, y tovía anguaño se sigue editando, con Sakai como únicu autor. Tamién Sakai foi'l creador de la serie futurista Space Usagi.

Nes histories de Groo apaez caricaturizáu a mou d'homenaxe faciendo'l papel d'escribanu.

Stan Sakai n'Asturies[editar | editar la fonte]

Invitáu pol Salón Internacional del Cómic que se celebra añalmente en Xixón, Stan Sakai, tuvo presente na edición del añu 1999, participando nuna sesión de firmes y nuna charra col públicu que posteriormente sería recoyida na revista El Wendigo. Esti mesmu Salón concedió-y los premios a la Meyor Historia Curtia (1999), por Fideos; Meyor Guión (2000), por Segadora y Meyor Historia Llarga (2003), por La conspiración del Dragón. Nuevamente Sakai tornó a Xixón nel añu 2007 pa participar na XXXI edición del Salón del Cómic, tomando parte na sesión d'inauguración.

Magar qu'en delles reseñes biográfiques se señalen les influencies de Llobu solitariu y el so cachorru (Lone Wolf and Cub), manga creáu por Kazuo Koike y Goseki Kojima, Sakai manifestó nel Salón de Xixón que nun tuvo en cuenta les historietes de la versión en cómic d'esti personaxe pa la creación del suyu, por más que sí fizo una historieta como homenaxe al mesmu. En tou casu sí reconoció que les películes de Llobu solitariu sí fueron homenaxeaes.