Songo Mnara

Ruines de Kilwa Kisiwani y de Songo Mnara
Patrimoniu de la Humanidá — UNESCO
Llugar	Tanzania
Criterios	Cultural: iii
Referencia	144
Inscripción	1981 (V Sesión)
En peligru	2004-2014
Área	África

Songo Mnara ye un xacimientu arqueolóxicu de la parte septentrional de la islla de Songo, en Tanzania. Contién numberoses ruines que, xunto coles de Kilwa Kisiwani, fueron inscrites pola Unesco en 1981 na llista de los sitios que constitúin Patrimoniu de la Humanidá cola denominación de Ruines de Kilwa Kisiwani y de Songo Mnara. Representen les muertes de dos grandes puertos comerciales onde, ente los sieglos IX y XVI, camudábase'l oru y el fierro de Zimbabue, los esclavos y el marfil de toa'l África Oriental, por texíos, porzolanes, xoyes y especies d'Asia.

Descripción[editar | editar la fonte]

Les ruines presentes sobre la islla son aquelles del puertu almiráu polos primeres esploradores que llegaron a esti llugar del mundu. Ente'l sieglu XIII y el XVI los mercaderes de la islla traficaron con oru, plata, perlles, oxetos perses y porzolanes chines de la dinastía Song. La mayor parte de les rutes comerciales que cruciaben l'Océanu Índicu pasaben pela islla.

Les ruines tán compuestes por cinco mezquites y de una serie d'edificios residenciales. Unu d'estos foi definíu como «el palaciu» por causa de les dimensiones, anque queda bien pocu. Tou taba arrodiáu de muralla de modesta factura.

Les ruines de Kilwa Kisiwani y de Songo Mnara son consideraes fundamentales pa la comprensión de la cultura suaḥili, de la isllaización de la costa oriental d'África oriental y pal estudiu del comerciu medieval d'esta zona.

A pesar de que, dende 1981 indicáronse los riesgos de caltenimientu d'estos llugares, namái s'ensertaron dientro de la llista de Patrimoniu de la Humanidá en peligru hasta l'añu 2004 debíu al derrumbe d'estructures históriques y arqueolóxiques importantes. Pa resolver estos problemes llevóse a cabu un seriu programa de caltenimientu nel que participaron inclusive los gobiernos francés y xaponés. En xunu de 2014, la Unesco retiró diches ruines de la llista de Patrimoniu de la Humanidá en peligru pola meyora na xestión y salvaguardia del sitiu.^[1]

Referencies[editar | editar la fonte]

↑ Unesco (17 de xunu de 2013). «Les Ruines de Kilwa Kisiwani y Songo Mnara (Tanzania) salen de la Llista del Patrimoniu Mundial en Peligru» (castellanu). Unesco.org. Consultáu'l 24 de xunetu de 2014.

Enllaces esternos[editar | editar la fonte]

[1] Unesco (17 de xunu de 2013). «Les Ruines de Kilwa Kisiwani y Songo Mnara (Tanzania) salen de la Llista del Patrimoniu Mundial en Peligru» (castellanu). Unesco.org. Consultáu'l 24 de xunetu de 2014.

[1]