Slobodan Milošević

De Uiquipedia
Saltar a: navegación, buscar
Slobodan Milošević

Slobodan Milošević (n'alfabetu cirílicu serbiu Слободан Милошевић; (20 d'agostu de 1941; 11 de marzu de 2006) foi un líder políticu serbiu y ex presidente de la Yugoslavia ente 1997 y 2000. Ente 1989 y 1997 ocupó'l cargu de presidente de Serbia y tamién foi'l cabezaleru del Partíu Socialista de Serbia. Milošević foi un elementu clave nes guerres de la desaniciada Yugoslavia, y el primeru de los responsables políticos en tar acusaos de crímenes de guerra. Al enfotu atribuyíu a Milošević por algamar una "Gran Serbia" eslava asociase bona parte del desendolcu de la primer guerra énte Bosnia y na que lluéu enguedeyóse Croacia.

Atribúinse-y sesentiséis cargos de crímenes escontra la humanidá pente les guerres de Yugoslavia con Bosnia, Croacia y Kosovo, incluyendo xenocidiu, llimpieza étnica y secuestros masivos. Estes acusaciones fixeron que dellos medios de comunicación punxeren-y el mote "El carniceru de los Balcanes" .

Tres de vese forzáu a dexar el poder por un llevantamientu popular, Milosevic foi presu y extraditáu pa responder énte'l Tribunal Penal Internacional polos sos supuestos crímenes de guerra, pero morrió enantes de que'l tribunal asoleyara la sentencia, dempués de cinco años na cárcele. La so muerte atribúise a un fallu coronariu, dempués de que'l tribunal refugara la so solicitú de treslláu a Moscú pa ser tratáu nesa ciudá de los sos problemes de salú.