Seinen manga

De Uiquipedia
Saltar a: navegación, buscar

Seinen (青年) ye una subcategoría del anime o manga. El so envís ye atrayer a una audiencia masculina de 18 o más años d'edá, anque esto pue variar.

Delles vegaes clasifícase como shōjo o shōnen, anque esti tien una bayura más amplia en cuantes a estilos artísticos, con trames más adultes que van dende lo vanguardista fasta lo pornográficu. Dellos temes veceros nes trames son el sexu, la violencia y la política. L'equivalente femenín al seinen ye'l josei manga.

Una forma común d'identificar a un manga como seinen ye observando si esti tien furigana sobre'l testu orixinal kanji. La carencia de furigana pue indicar que'l testu ta empobináu a una audiencia adulta. Otru indicador importante, ye'l nome de la revista onde s'espubliza'l manga o l'audiencia a la que va empobinada esa revista. Davezu les revistes antolóxiques de manga seinen en Xapón, incluyen les pallabres, "young", "seinen" o cualaquier otru términu que fai referencia al públicu al que va empobinada. Delles espublizaciones seinen importantes son Ultra Jump, Afternoon, Young Jump, Young Animal y Big Comic.