Kanji

De Uiquipedia
Saltar a: navegación, buscar
Kanji

Kanji(漢字), lliteralmente caráuter Han, ye'l nome de los caráuteres chinos utilizaos na escritura del Xaponés.

Dientro del procesu de consolidación del llinguax xaponés, a la par d'un desendolcu d'alfabetu silábicu, adoutóse'l sistema ideográficu chinu pa espresar la llingua. L'usu de los kanji ye una de les trés principales formes d'escritura xaponesa, los otros dos son hiragana y katakana, agrupaos como kana.

Los kanji son utilizaos pa espresar namái conceutos, a estremancia del so usu nel chinu, u puen ser tamién utilizaos nel so caráuter fonéticu. A un kanji correspuende un significáu y s'usa como determinante de la raíz de la pallabra; les derivaciones, conxugaciones y accidentes esprésense per aciu del usu de kana (n'especial d'hiragana) col nome d'okurigana. D'esta mena conviven tanto'l sistema d'escritura llariegu (pero remanecíu de la mesma escritura han) y el sistema importáu.

Una pequeña curiosidá ye que'l xaponés, al alquirir la escritura han (o china) haza'l sieglu III, caltién inalteraos los símbolos que na China continental foron remocicaos demientres la Revolución Cultural de los años 60.