Samuel Sánchez

De Uiquipedia

Samuel Sánchez, ye un ciclista profesional nacíu n´Uviéu, (Asturies) el 5 de febreru de 1978.

Formóse nes categoríes inferiores del C.C Colloto (Uviéu), onde se fizo como ciclista dende la categoría alevín, siendo recordaes tovía les sos victories nes categoríes de cadetes y xuveniles, onde xunto a ciclistes como Benjamín Noval algamó munchos éxistos, ente ellos el subcampeonatu d'España de fondu en carretera de categoría cadete en 1994 cola seleición asturiana.

En 1997, con 19 años, al pasar a la categoría de sub-23, fichó pol equipu vizcaín Olarra, onde tuvo tres temporaes, algamando 17 victories, pasando nel 2000 al equipu Euskaltel-Euskadi, col que debutaría como profesional.

Destaca nes clásiques y en carreres d'una selmana, aunque anguaño yá brilla en carreres grandes como la Vuelta Ciclista a España, na que nos años 2005 y 2006 algamó sendes victories d'etapa.

Nel añu 2006 ye convocáu por primera vez pa participar cola seleición española nel Campeonatu del Mundu de fondo en carretera, que tuvo llugar en Salzburgu. Depués de realizar un gran trabayu d'equipu, llanzó'l spint pal so compañeru Alejandro Valverde, qu'algamaría la medalla de bronce, y él ocuparía la cuarta posición. Díes más tarde d'esta gran actuación algamaría la so mayor victoria como profesional, al ganar Campeonatu de Zúrich, una clásica del circuitu UCI Pro-Tour.

L'añu 2007 supuso la so consagración en vueltes de tres selmanas algamando'l podium na Vuelta a España, a lo qu'hai que sumar tres victories d'etapa na mesma.

Pero sería l'añu 2008 el de la so consagración definitiva como gran ciclista. Arriendes de facer un gran papel nel Tour de Francia, nel que terminaría sétimu, gana la medalla d'oru na prueba en ruta de los Xuegos Olímpicos de Pekín onde igualmente algamaría'l sestu puestu na prueba de contra reló individual.

Nel añu 2009 vuelve al so calendariu habitual pa disputar Vuelta al País Vascu y clásiques de primavera n'Abril y Vuelta a España y el mundial en setiembre. A principios de xineru descártense problemas nuna de les sos rodilles, aunque depués d'una caida na París-Niza vuelven a surdí-y dolores lo que-y fain trestocar la primera parte de la temporada llegando a los sos oxetivos principales del mes d'abril con menos díes de competición de los previstos. Depués d'esos pilancos volvió a la competición algamando la victoria nel Gran Premiu de Llodio.

[editar] Equipos

• Euskaltel-Euskadi (2000 - 2008)

[editar] Palmarés

• 2004
  • 4^u puestu na clásica Liege-Bastogne-Liege
  • 2 etapes de la Escalada a Montjuic
  • Escalada a Montjuic (-clasificación xeneral-)
  • 15^u puestu na clasificación xeneral Vuelta Ciclista a España
  • 2^u puestu na clasificación xeneral Vuelta a Asturies

• 2005
  • 17^u puestu na clasificación xeneral Giro d’Italia
  • 5^u puestu nel Gran Premiu de Zurich
  • 10^u puestu na Clásica de San Sebastián
  • Una etapa de la Vuelta Ciclista a España
  • 10^u puestu na clasificación xeneral de la Vuelta Ciclista a España
  • Una etapa de la Escalada a Montjuic
  • Escalada a Montjuic (-clasificación xeneral-)

• 2006
  • 2 etapes de la Vuelta al País Vasco
  • 2^u puestu na clásica Flecha Valona
  • Victoria d'etapa Cangues d’Onís - Xixón de la Vuelta a Asturies
  • Victoria d'etapa Guadalajara - Cuenca de la Vuelta Ciclista a España
  • 8^u puestu na clasificación xeneral de la Vuelta Ciclista a España
  • 4^u puestu nel Campeonatu del Mundu celebráu en Salzburgu
  • Victoria nel Campeonatu de Zúrich
  • Victoria nel Criterium de l'Asociación de Ciclistes Profesionales
  • 2^u puestu na clasificación xeneral del Tour de Lombardía
  • 2^u puestu na clasificación UCI Pro-Tour

• 2007
  • 1 etapa de la Vuelta al País Vasco
  • 1 etapa de la Volta a Cataluña
  • Victoria d'etapa Villacarrillo - Granada de la Vuelta Ciclista a España
  • Victoria d'etapa Ávila - Altu d'Abantos de la Vuelta Ciclista a España
  • Victoria d'etapa Collado Villalba - Collado Villalba (CRI) de la Vuelta Ciclista a España
  • 3^u puestu na clasificación xeneral de la Vuelta Ciclista a España
  • 7^u puestu nel Campeonatu del Mundu celebráu en Stuttgart

• 2008
  • Victoria nel segundu sector CRI de la segunda etapa de la Vuelta Ciclista a Asturies
  • 2^u puestu na etapa reina del Tour de Francia, con final n'Alpe d'Huez
  • 7^u puestu na clasificación xeneral del Tour de Francia
  • Medalla d'oru na prueba en ruta de los Xuegos Olímpicos celebraos en Pekín
  • 6^u puestu na prueba de contra reló individual de los Xuegos Olímpicos de Pekín

• 2009
  • Gran Premiu de Llodio