Real Avilés Club de Fútbol

De Uiquipedia
Saltar a: navegación, buscar
Real Avilés
Nome completu Real Avilés Club de Fútbol S.A.D.
Nomatu Realavilesinos
Fundación 1903
Estadiu Estadio Nuevo Román Suárez Puerta
Avilés, Asturies
Inauguración 1999
Presidente asturianu José María Tejero del Río
Entrenador español Josu Uribe
Lliga Segunda División B
2013-14 3u (2ªB Gr. I)
Sitiu web oficial
Kit left arm blueborder.png Kit body bluestripes.png Kit right arm blueborder.png
Kit shorts.svg
Kit socks whitehorizontal.png
 
Kit left arm.svg Kit body yellowstripes.png Kit right arm.svg
Kit shorts.svg
Kit socks.svg
 

Real Avilés ye'l nome pol que se conoz a un equipu de fútbol avilesín (Asturies). Fundáu en 1903 Ye'l equipu de fútbol más vieyu de los existentes n'Asturies.

En 1992 tresfórmase en Sociedá Anonima Deportiva (SAD), añediendo-y estes siegles al so nome oficial.

Historia[editar | editar la fonte]

L'Avilés Sport Club foi'l primer club de fútbol formáu n'Avilés y ye consideráu'l club decanu del fútbol astur. Asina mesmu ye'l primer nome remanáu pol anguaño continuador Real Avilés.

La so formación foi nel añu 1903 por obra de Jesús Gutiérrez y Eusebio Abascal Álvarez Herrero (avilesinos que conocieren el xuegu na so dómina d'estudiantes n'Inglaterra) y de Ramón Fernández-Arenas García Ralla. Esti home foi un antiguu emigrante nos Estaos Xuníos que regresó al so país.

El primer partíu del qu'hai anuncia ye'l cellebráu'l 11 d'ochobre de 1903, el resultáu quedó a pre, un 0-0 escontra l'Oviedo Foot Bal Club. Cellebrose nel campu avilesín nun ambiente de gran camaradería ente ambos equipos y aficiones.

La so primer camiseta de la qu'hai semeyes ye blanca (mayu de 1904). Y la primera de la qu'hai anuncies pola prensa yera azul (ochobre de 1903).

A fines de 1906 xúnese cola Sociedad Obrera Industrial, camudando'l so nome pol de Círculo Industrial y de Sport de Avilés y conservando la so autonomía dientru de la sociedá.

Foi un de los nueve clubes pioneros nes reuniones en Madrid en 1909 pa la criación de la Federación Española de Fútbol, xunto con Madrid FC, Athletic Club de Madrid, Athletic Club de Bilbao, Club La Coruña, Fortuna de Vigo, Deportivo de La Coruña, Gimnástica Española y Español FC.

En 1915 por desacuerdos independízase de nuevo y camuda'l so nome pol de Stadium Club Avilesino.

Nel añu 1925 la Casa Real española concede-y el títulu de "Real". El Rei español hubiere presenciáu un añu enantes un partíu de los stadiumnistes escontra'l Sporting de Xixón. Polo tanto dende esti añu y hasta la prohibición de la dictadura franquista de los vocablos foriatos, el so nome foi Real Stadium Club Avilesino.

En 1923 adoptó como collores del club los blanquiazules, supuestamente ello foi por mor de qu'un avilesín, Eusebio Fernández Muñíz, que foi vicepresidente del club barcelonín RCD Español Espanyol, xestionó la merca de la ropa cola mesma firma que vestía al club catalán. D'esa mena, el club de fútbol local adoptó l'azul y blancu de la bandera del catalán. Pero esta teoría ye perduldosa pa dellos hestoriadores. Ente otres coses hai documentos gráficos qu'amuesen a los xugadores cola equipación blanquiazul años enantes de 1923. Amás nos primeros años de la so fundación la prensa de la época diz que la azul yera el collor de la bandera marítima d'Avilés y los collores más habituales del club.

Nes temporaes en que la institución stadiumnista defendió los collores blanquiazules pel Estáu, hai que remembrar el Campeonatu d'España de 2ª Categoría algamáu en 1920, nel qu'a pesar del ambiente contrariu nes grades del estadiu xixonés del Molinón llogró superar al equipu catalán del Martianec por 3-2. Tamién en 1940 llogra ganar el Campeonatu Estatal Amateur na capital española. Asina como les temporaes xugaes na categoría de plata, la 2ª división.

En 1941 ye obligáu a cambiar otra vegada de nome pol de Real Avilés al prohibise durante la dictadura franquista l'usu de terminos non castellanos nos clubes deportivos españoles.

En 1943 inaugurase l'Estadiu La Esposición dempués nomáu Suárez Puerta en 1956 n'honor al alcalde que fixo posible la so construción.

El club cuntó con otres seiciones como la de tenis, Real Avilés Tennis Club.

El Real Avilés xuega nel Estadiu de Chamartín un amistosu escontra'l Real Madrid en 1952. 1-1 al descansu, 3-1 al final pa los madrilanos. Tamién nesi mesmu añu xugó un amistosu escontra la seleición española en Zaragoza. En 1957 vence nun amistosu al Atlético de Madrid por 3-2.

En 1953 xuega la Lliga d'Ascensu a 1ª División (la so meyor clasificación hestórica), pero la Federación Española de Fútbol nun-y permitie ascender anque-y correspondía pola renuncia del España Industrial (anguaño F.C. Barcelona-B) al ascensu.

En 1966 cellébrase'l primer Tornéu San Agustín, tradicional tornéu que xuégase coincidiendo coles fiestes patronales avilesines.

La mayor goleada a favor foi un 12-0 al Marino de Lluanco nun amistosu. En competición oficial (3ª división) algamaron un 10-0 al Santa Marina y un 11-1 al Hispano de Castrillón.

En 1983 absorbe al C.D. Ensidesa pasando a nomase Real Avilés Industrial a pesar de la illusión cola surde'l club de la xunión avilesina, tres dos temporaes el club desciende a 3ª al nun consiguir caltener la categoría nuna percomplicada 2ªB de solamente dos grupos. Amás enxamás foi apoyáu nin pola empresa público siderúrxica nin pola Casa Conceyu tal-y como hubieren prometío a los socios d'ambos equipos pa qu'aprobaren la mal llamada "fusión".

Nes dos temporaes en 3ª, na 1985-86 mete-y un 11-1 al Hispano, 7 goles marcaos pol xugador Nacho. Nesa mesma temporada debutaba Emilio Gutiérrez con 15 años, que posteriormente colaría al F.C. Barcelona y dempués xugaría en 1ª col Sporting de Xixón.

En 2ªB tien unes espectaculares temporaes nes que a la tercera algama'l nagüau cambéu de categoría, nel primer añu a pesar d'un arrinque non mui bono meyora abondo calteniéndose invatíu demientres doce xornaes, (lo que-y dió dalguna portada de periódicos deportivos como'l Diariu AS), ya inclusive llega a aspirar al ascensu a 1ª División. En pretemporada empaten 1-1 nel Troféu Costa Verde escontra'l Sporting de Llisboa. Na segunda temporada en 2ªA tres una llamentable temporada nel que camentaben nun descender al convertise en SAD, a la fin descienden. Nun lo hubieren fecho de nun falsificar l'Atlético de Madrid de Jesús Gil les sos cuentes, como años dempués quedó amosáu.

Na siguiente dómina en 2ªB l'equipu caltiénse na zona media-alta, inclusive llega a xugar la fas d'ascensu, escontra el Córdoba CF, Racing de Ferrol y Levante, equipu valencianu qu'algama'l cambéu de categoría.

En 1997 aporta a la presidencia, al facese cola mayor parte de les aiciones de la SAD, (en competencia con Tomás Medina Fernández), José María Tejero del Río empresariu de la construcción d'orixe llionés, que nes sos primeres declaraciones amosábase enfotáu "n'illusionar a los aficionaos y devolver al club al fútbol profesional", ensin embargu, aparte d'enxamás cumplir estes pallabres, la so xestión ye la más nefasta de la hestoria del fútbol avilesu. Algamando les sos piores clasificaciones hestóriques, y batiendo toles records en resultaos negativos. Fechos que como nun podía ser menos fexo que l'afición al fútbol n'Avilés diere la espalda al club realavilesín.

Nestos caberos años los sos meyores llogros son los trés títulos de Copa Federación na fas asturiana, y el títulu estatal d'esta competición algamáu nel 2003. Esti foi'l tercer títulu estatal del fútbol avilesín.

Nel añu 1990, naz la peña Galiana Xoven, que ye en toos estos años la más moza y animosa del equipu.

Nel añu 2010, na Xunta Xeneral d'Accionistes recupera el so nome anterior de "Real Avilés", por mor de la falta de popularidá del apellativu "Industrial" ente la afición avilesina.

El grupu Golplus entra a xestionar el club en xunetu de 2011, algamando un alcuerdu col másimu accionista José María Tejero del Río que sigue en posesión del club. Na temporada 2011-2012 asciende a 2ªB per vía alministrativa, al ufiertar la Real Federación Española de Fútbol places pa cubrir les vacantes na categoría por descensos por impagos. El Real Avilés tien que pagar 190.000 euros y cumplir dellos requisitos deportivos y económicos pa xubir.

Na temporada 2013-2014 l'equipu dirixíu por Josu Uribe, fíu del antigu xugador del Real Avilés Uribesalgo, clasifícase pa la Promoción d'ascensu a Segunda División A o Lliga Adelante. Superando na primer eliminatoria al Cartagena F.C., ye elimináu na segunda pola U.E. Llagostera y nun algamando la tercera y definitiva.

Datos[editar | editar la fonte]

Nome completu: Real Avilés Club de Futbol Sociedad Anonima Deportiva

Ciudá: Avilés

Estadiu: Nuevo Román Suárez Puerta (reinauguráu en 1999). Tamién nomáu La Esposición.

Capacidá estadiu: al rodiu de 5.400 espectadores, más de 4.200 d'ellos nes nueves graes llaterales y 1.132 na grada de rotonda.

Socios: 2.200 (1.400 de pagu)

Presidente: José María Tejero del Río

Máximo accionista: José María Tejero del Río

Entrenador 1er. Equipu: Josu Uribe

Categoría anguaño: 2ª División B, Grupu I

Colores[editar | editar la fonte]

Bandera del Stadium Avilesino adoptada pol conceyu avilesín.

El Real Avilés xuega con camiseta azul y blanca, calzón azul y medies azules con detalles blancos.

Temporaes[editar | editar la fonte]

  • 1916-1917:
    • Campeonatu Asturianu de 1ª Categoría
  • 1917-1918:
    • Non inscritu, correspondería-y xugar 1ª Categoría asturiana
  • 1918-1919:
    • Campeonatu Asturianu de 1ª Categoría (renunció enates d'entamar la lliga)
  • 1919-1920:
    • Campeonatu Asturianu de 2ª Categoría (Campeón y ascensu de categoría)
    • Campeón d'España de 2ª Categoría: Stadium Club Avilesino 3 (Lisardo Arias (2) y Chon) F.C. Martinenc de Barcelona 2 (Estadiu: El Molinón, Xixón, 12-08-1920)
  • 1920-1921:
    • Campeonatu Asturianu de 1ª Categoría Grupu B (Ascensu)
  • 1921-1922:
    • Campeonatu Asturianu de 1ª Categoría (4u puestu)
  • 1922-1923:
    • Campeonatu Asturianu de 1ª Categoría (5u puestu)
  • 1923-1924:
    • Campeonatu Asturianu de 1ª Categoría (5u puestu)
  • 1924-1925:
    • Campeonatu Asturianu de 1ª Categoría (3u puestu)
  • 1925-1926:
    • Campeonatu Asturianu de 1ª Categoría (6u puestu)
  • 1926-1927:
    • Campeonatu Asturianu de 1ª Categoría (5u puestu)
  • 1927-1928:
    • Campeonatu Asturianu de 1ª Categoría (6u puestu) (Descensu)
  • 1928-1929:
    • Campeonatu Asturianu de 2ª Categoría (1u Puestu) (Campeón y ascensu na Promoción)
  • 1929-1930:
    • Campeonatu Asturianu de 1ª Categoría (3u puestu)
    • 3ª División Estatal (2u puestu)
  • 1930-1931:
    • Campeonatu Asturianu de 1ª Categoría (4u puestu)
    • 3ª División Estatal (8u puestu)
  • 1931-1932:
    • Campeonatu Mancomunáu Astur-santanderín de 1ª Categoría (4u puestu)
    • 3ª División Estatal (3u puestu)
  • 1932-1933:
    • Campeonatu Asturianu de 1ª Categoría (4u puestu)
    • 3ª División Estatal (1u puestu)
  • 1933-1934:
    • Campeonatu Asturianu de 1ª Categoría (3u puestu)
    • 3ª División Estatal (4u puestu)
  • 1934-1935:
    • Campeonatu Astur-galaico de 1ª Categoría (3u puestu)
    • 2ª División Estatal (4u puestu)
  • 1935-1936:
    • Campeonatu Astur-galaico de 1ª Categoría (5u puestu)
    • 2ª División Estatal (5u puestu)
  • 1939-1940:
    • Campeonatu Asturianu de 1ª Categoría (6u puestu)
    • 2ª División Estatal (7u puestu)
    • Campeón d'España Amateur: Sevilla 2 Real Stadium Club Avilesino 4 (Mijares (4)) (Estadiu de Vallecas, Madrid, 7-07-1940)
  • 1940-1941:
    • 2ª División Estatal (12u puestu) (Descensu)
  • 1941-1942:
    • Campeonatu Asturianu de 1ª Categoría (5u puestu)
  • 1942-1943:
    • Campeonatu Asturianu de 1ª Categoría (3u puestu) (Ascensu)
  • 1943-1944:
    • 3ª División Estatal (3u puestu)
  • 1944-1945:
    • 3ª División Estatal (1u puestu, 5u na Fas Entemedia)
  • 1945-1946:
    • 3ª División Estatal (5u puestu)
  • 1946-1947:
    • 3ª División Estatal (6u puestu, 1u nel Tornéu Complementariu)
  • 1947-1948:
    • 3ª División Estatal (6u puestu)
  • 1948-1949:
    • 3ª División Estatal (5u puestu)
  • 1949-1950:
    • 3ª División Estatal (2u puestu) (Xuega la Promoción d'ascensu a 2ª)
  • 1950-1951:
    • 3ª División Estatal (10u puestu)
  • 1951-1952:
    • 3ª División Estatal (1u puestu) (Ascensu a 2ª)
  • 1952-1953:
    • 2ª División Estatal (3u puestu) (Xuega la Promoción d'ascensu a 1ª División)
  • 1953-1954:
    • 2ª División Estatal (11u puestu)
  • 1954-1955:
    • 2ª División Estatal (15u puestu) (Descensu)
  • 1955-1956:
    • 3ª División Estatal (2u puestu) (Ascensu nuna Promoción)
  • 1956-1957:
    • 2ª División Estatal (7u puestu)
  • 1957-1958:
    • 2ª División Estatal (11u puestu)
  • 1958-1959:
    • 2ª División Estatal (11u puestu)
  • 1959-1960:
    • 2ª División Estatal (15u puestu) (Descensu)
  • 1960-1961:
    • 3ª División Estatal (2u puestu) (Xuega la Promoción d'ascensu a 2ª)
  • 1961-1962:
    • 3ª División Estatal (2u puestu) (Xuega la Promoción d'ascensu a 2ª)
  • 1962-1963:
    • 3ª División Estatal (3u puestu)
  • 1963-1964:
    • 3ª División Estatal (2u puestu) (Xuega la Promoción d'ascensu a 2ª)
  • 1964-1965:
    • 3ª División Estatal (1u puestu) (Xuega la Promoción d'ascensu a 2ª)
  • 1965-1966:
    • 3ª División Estatal (2u puestu) (Xuega la Promoción d'ascensu a 2ª)
  • 1966-1967:
    • 3ª División Estatal (1u puestu) (Xuega la Promoción d'ascensu a 2ª)
  • 1967-1968:
    • 3ª División Estatal (1u puestu) (Xuega la Promoción d'ascensu a 2ª)
  • 1968-1969:
    • 3ª División Estatal (3u puestu)
  • 1969-1970:
    • 3ª División Estatal (6u puestu)
  • 1970-1971:
    • 3ª División Estatal (7u puestu)
  • 1971-1972:
    • 3ª División Estatal (8u puestu)
  • 1972-1973:
    • 3ª División Estatal (13u puestu)
  • 1973-1974:
    • 3ª División Estatal (14u puestu) (Descensu na Promoción)
  • 1974-1975:
    • 1ª Rexonal (8u puestu)
  • 1975-1976:
    • 1ª Rexonal (2u puestu) (Xuega la Promoción d'ascensu a 3ª)
  • 1976-1977:
    • 1ª Rexonal (2u puestu) (Ascensu)
  • 1977-1978:
    • 3ª División Estatal (7u puestu)
  • 1978-1979:
    • 3ª División Estatal (2u puestu)
  • 1979-1980:
    • 3ª División Estatal (2u puestu)
  • 1980-1981:
    • 3ª División Estatal (9u puestu)
  • 1981-1982:
    • 3ª División Estatal (8u puestu)
  • 1982-1983:
    • 3ª División Estatal (13u puestu)
  • 1983-1984:
    • 2ªB División Estatal (16u puestu)
  • 1984-1985:
    • 2ªB División Estatal (19u puestu) (Descensu)
  • 1985-1986:
    • 3ª División Estatal (3u puestu)
  • 1986-1987:
    • 3ª División Estatal (2u puestu) (Ascensu)
  • 1987-1988:
    • 2ªB División Estatal (2u puestu)
  • 1988-1989:
    • 2ªB División Estatal (4u puestu)
  • 1989-1990:
    • 2ªB División Estatal (1u puestu)
  • 1990-1991:
    • 2ª División Estatal (9u puestu)
  • 1991-1992:
    • 2ª División Estatal (19u puestu) (Descensu)
  • 1992-1993:
    • 2ªB División Estatal (6u puestu)
  • 1993-1994:
    • 2ªB División Estatal (15u puestu)
  • 1994-1995:
    • 2ªB División Estatal (10u puestu)
  • 1995-1996:
    • 2ªB División Estatal (3u puestu) (Xuega Fas d'Ascensu 2ªA)
  • 1996-1997:
    • 2ªB División Estatal (10u puestu)
  • 1997-1998:
    • 2ªB División Estatal (16u puestu) (Xuega la Promoción de Caltenencia)
  • 1998-1999:
    • 2ªB División Estatal (9u puestu)
  • 1999-2000:
    • 2ªB División Estatal (16u puestu) (Desciende na Promoción de Caltenencia)
  • 2000-2001:
    • 3ª División Estatal (7u puestu)
  • 2001-2002:
    • 3ª División Estatal (2u puestu) (Ascensu na Promoción)
  • 2002-2003:
    • 2ªB División Estatal (13u puestu)
    • Campeón Copa Real Federación Española de Fútbol: Real Avilés 3 Tomelloso CF 0 (Ida); Tomelloso CF 0 Real Avilés 1 (Torna)
  • 2003-2004:
    • 2ªB División Estatal (20u puestu) (Descensu)
  • 2004-2005:
    • 3ª División Estatal (6u puestu)
  • 2005-2006:
    • 3ª División Estatal (8u puestu)
  • 2006-2007:
    • 3ª División Estatal (6u puestu)
  • 2007-2008:
    • 3ª División Estatal (11u puestu)
  • 2008-2009:
    • 3ª División Estatal (11u puestu)
  • 2009-2010:
    • 3ª División Estatal (9u puestu)
  • 2010-2011:
    • 3ª División Estatal (10u puestu)
  • 2011-2012:
    • 3ª División Estatal (2u puestu) (Xuega Fas d'Ascensu a 2ªB) (Ascensu alministrativu)
  • 2012-2013:
    • 2ªB División Estatal (14u puestu)
  • 2013-2014:
    • 2ªB División Estatal (3u puestu) (Xuega Fas d'Ascensu 2ªA)

Estadios:[editar | editar la fonte]

Presidentes[editar | editar la fonte]

Presidentes SAD[editar | editar la fonte]

Xugadores Destacaos[editar | editar la fonte]

Bibliografía[editar | editar la fonte]

  • "Avilés y su fútbol. Un siglo de historia" , Jorge Valverde y Alberto Rendueles, 1995.

(ISBN:84-920928-0-7)

  • "45 años de futbol en Avilés" , Polchi, 1948.
  • El Correo de Asturias. Oviedo, 1903.
  • Diario El Carbayón. Oviedo, 1903.
  • El Progreso de Asturias. Oviedo, 1903, núm. 530.
  • El Progreso de Asturias. Oviedo, 1903, núm. 554.
  • El Noroeste. Gijón, 1904.
  • El Popular. Gijón, 1904.
  • La Correspondencia de España. Madrid, 1904.