Prefeutu romanu

De Uiquipedia
Saltar a: navegación, buscar
Roma antigua.

El prefeutu (del llatín praefectus y praeficere, ye dicir, tar delantre de) yera un oficial del Imperiu romanu y de la República romana. Les sos atribuciones abarcaron tanto l'ámbitu militar como'l civil. El cargu tenía un rangu variable y normalmente yera ocupáu por una persona procedente del orde ecuestre. Nel ámbitu civil, el prefeutu nun yera un maxistráu, sinón un sostitutu del mesmu.

Gramaticalmente, nun entamu'l términu praefectus apaez calificáu con espresiones bien en casu dativu (asina praefectus praetorio) bien en xenitivu. Más alantre, impondráse'l xenitivu.

El prefeutu de Roma o prefeutu de la ciudá (del llatín praefectus urbis) asumía na Roma antigua les funciones del rei n'ausencia d'éste. Más llueu fizo lo mesmo coles funciones consulares, hasta que misión tala pasó a los pretores.

La creación de la Pretura determinó la perda d'importancia d'esta maxistratura, que namái conservó la organización de les festividaes llatines.