Ponte de les Amériques

De Uiquipedia
Saltar a: navegación, buscar
Ponte de les Amériques
Ponte de les Amériques
Nome oficial Ponte de les Amériques
Tresporta Vehículos de motor, peatones y bicicletes
Crucia Llau Pacíficu del Canal de Panamá
Allugamientu Balboa, Panamá
Manteníu por ----
Diseñu Ponte con arcu de compresión suspendíu
Tramu más llargu 344 m (1,128 pies)
Llonxitú total 1.654 m (5,425 pies)
Anchor 10,4 m (34 pies)
Altor 61,3 m (201 pies) con marea alta
Güecu ----
Data d'apertura 12 d'ochobre de 1962

La Ponte de les Amériques (en castellanu Puente de las Américas; orixinalmente conocíu col nome de Pont Thatcher Ferry) ye un viaductu de Panamá, que treviesa la entrada del Océanu Pacíficu na Canal de Panamá. Construyíu en 1962, con un coste de 20 millones de dólares, va ser la única ponte permanente que conecta les mases continentales d'América del Sur y del Norte, hasta l'apertura de la Ponte del Centenariu nel añu 2004.

Descripción[editar | editar la fonte]

La Ponte de les Amériques cruza la Canal de Panamá a la vera'l Pacíficu en Balboa, na redolada de la Ciudá de Panamá. Va ser construyíu ente 1959 y 1962 polos Estaos Xuníos, con un coste de 20 millones de dólares.

La ponte tien un diseñu d'arcu de modillón con una llonxitú de 1.654 metros en 14 tramos. El tramu principal mide 344 metros. El puntu de más altor de la ponte ta allugáu a 117 metros sobro'l nivel de la mar y l'espaciu llibre en marea alta nel tramu principal ye de 61,3 metros. Amás hai rampes d'accesu a cada estremu de la ponte y pasos peatonales nos costaos.

Dende la so apertura en 1962 hasta la construcción de la Ponte Centenariu en 2004, la Ponte de les Amériques va ser un elementu clave de la Carretera Panamericana, como la ponte permanente única pa cruzar la canal de Panamá, ente América del Norte y América del Sur dende l'apertura de la canal en 1914.