Planet of the Apes (película de 1968)
Planet of the Apes ye una película distópica d'Estaos Xuníos de 1968, del xéneru ciencia ficción. Dirixida por Franklin J. Schaffner, protagonizada por Charlton Heston, Roddy McDowall, Kim Hunter, Maurice Evans y Linda Harrison nos papeles cimeros. Basada na novela homónima de Pierre Boulle.
Argumentu
[editar | editar la fonte]En 1974, cuatro astronautes -coronel George Taylor (Charlton Heston), Landon (Robert Gunner), Dodge (Jeff Burton) y Stewart (Dianne Stanley, que nun apruz nos créditos)- alcuéntranse n'hibernación cuando la so nave espacial aterriza y s'estrella nun llagu nun planeta desconocíu dempués d'un viaxe de 18 meses a velocidaes averaes a la de la lluz. Al espertar, los astronautes descubren que, pola mor d'una perda d'aire, l'equipu d'animación de la pilotu Stewart falló y afáyenla muerta, disecada. La nave ta fundiéndose nel llagu, poro, aguantan a fuxir. Enantes de marchar de la nave, Taylor decátase de que, según los cálculos del ordenador, anguaño ye 3978. Esto taba albidrao, porque mientres la tripulación avieyó namái 18 meses, pal planeta Tierra pasaron 2006 años (contaos dende'l llanzamientu, en 1972) per aciu de la dilatación del tiempu de la relatividá d'Einstein.
Los tres homes crucien el llagu nuna llancha inflable. Al llegar a la oriella, Dodge fai un esame del suelu del planeta y mienta que'l planeta ye quien a agospiar vida.
Asina y too, los trés astronautes echen a andar pol desiertu, y poco a poco atopen vida vexetal. Nel borde del desiertu afayen un oasis y deciden dir a nadar, ensin facer casu d'unes estrañes figures semeyaes a espantaxos. Mientres nadan, les sos ropes son robaes. Salen a la gueta de los lladrones, hasta qu'atopen les ropes esfarrapaes y los sos suministros saquiaos. Los lladrones son un grupu d'humanos primitivos silentes (que s'afayen saquiando un campu de maíz).
Nu intre, goriles vestíos cuerren a caballu pol campu de maíz, con armes de fueu, trampes y redes, qu'empleguen pa prender a tolos humanos que pueden y matar a los que non. Mientres fuxen, Dodge ye asesinao, Landon queda inconsciente y Taylor recibe un disparu na gorxa. Los goriles lleven a Taylor a la Ciudá Simiu, onde dos científicos chimpancés -la psicóloga d'animales Zira (Kim Hunter) y el ciruxano Galen (Wright King) sálven-y la vida. Al espertar, Taylor -zarráu nuna xaula con una fermosa moza a la que dempués llamará Nova (Linda Harrison)- descubre que la so firida na gorxa lo enmudeció. Zira esamínalu y Taylor intenta falar pero nun ye quién.
Los humanos, inclusive Taylor, son llevaos hasta otra xaula albentestate. Taylor intenta llamar l'atención de Zira y el so noviu Cornelius (n'España Aurelio) y escribe el so nome nel suelu, pero dambos anician una charra col doctor Zaius y nun-y faen casu. Entós, la muyer que taba xunta Taylor borra'l nome del suelu y elli desapártala violentamente entamando una engarrada. Poro, llévenlos otra vuelta a les xaules interiores, y Zaius borra'l restu del nome cola so cachaba. Dientro del llaboratoriu Zira torna a afalar a Taylor pa que fale y esti quíta-y un bolígrafu con un papel y escribe'l so nome, causando'l plasmu de Zira, que ordena que lu lleven a so casa pa estudialu. Ellí Zira y Cornelius abluquen cuando Taylor-yos esplica con un avión de papel que llegó al so mundu volando. Cornelius retrúca-y qu'eso ye un "imposible científico" y entós llega Zaius y reprócha-y a Cornelius qu'anecie con llegar otra vegada a la fastera prohibida y desanicia l'avión de papel que fizo Taylor, ordenando a los soldaos que tornen a Taylor al llaboratoriu.
Nel llaboratoriu ún de los simios mienta que Taylor será castrao por orde de Zaius y este ye quién a fuxir, pero los simios cútienlu y préndenlu con una rede. Cuando van llevantalu ye quién a falar, berrando: Quiten sus hediondas patas de mi cuerpo malditos animales asquerosos causando'l plasmu de tolos simios.
Taylor ye treslladao a la so xaula y ellí axúntase cola muyer a la que-y punxera el nome de Nova y trata de deprendela a falar, pero Taylor ye llevao al Conseyu Simiu y ye acusao porl Conseyu al mandu de Zaius. Ellí intenta demostrar qu'esiste otru home como elli que puede falar y que ye'l so collaciu, pero cuando-y lu amuesen decátase de que foi operao del celebru y Taylor maldiz a Zaius y tornan a zarralu na so xaula. Nun caberu intentu, Zaius llévalu a so casa y píde-y que-y asoleye el so orixe y que-y amuese la tribu a la que pertenez, pero por más esplicaciones que Taylor-y da, Zaius nun lu creye.
Cornelius y Zira valen a fuxir a Taylor xunta Nova y caminen hasta la fastera prohibida. Ellí Zaius algámalos y nuna cueva descubren una muñeca humana que fala. Los soldaos descubren el llugar y Taylor cueye como rehén a Zaius. Esti reprócha-y la maldá del home, y Taylor retrúca-y: Aun no me responde doctor, ¿un planeta donde el simio evolucionó del hombre? tiene que haber una respuesta. Entós Zaius respuende: No busques esa respuesta Taylor por que no te va a gustar lo que encuentres; Taylor despídese de Cornelius y Zira y estos agradécen-y demostrar que teníen la razón nos sos postulaos científicos. Zira entrúga-y a Zaius: ¿Qué encontrará Doctor Zaius? y esti respuende: Su destino. Taylor percuerre con Nova la oriella del mar y cuando empobina la so mirada al frente descubre les ruines de la Estatua de la Llibertá y les ruines de Nueva York fundíes nel mar; y abluca y berra murniu: Dios mío he vuelto, he retornado a mi hogar, estuve este tiempo en mi hogar ... así que al fin, lograron hacerlo, malditos lo han destruido, malditos, malditos ...
Repartu
[editar | editar la fonte]- Charlton Heston como George Taylor.
- Roddy McDowall como Cornelius.
- Kim Hunter como Zira.
- Maurice Evans como Dr. Zaius.
- James Whitmore como Presidente del Conceyu de Simios.
- James Daly como'l Dr. Honorious.
- Linda Harrison como Nova.
- Robert Gunner como Landon.
- Lou Wagner como Lucius.
- Woodrow Parfrey como'l Dr. Maximus.
- Jeff Burton como Dodge.
- Buck Kartalian como Julius.
- Norman Burton como Hunt Leader.
- Wright King como Dr. Galen.
- Paul Lambert como Ministru.
Nominaciones a los Premios Óscar
[editar | editar la fonte]La película foi nomada a los premios de l'Academia de les Artes y les Ciencies Cinematográfiques de Hollywood nes categoríes de meyor banda sonora y meyor vestuariu.
Ganó un premiu honoríficu pola calidá del maquillaxe (en 1969 nun esistía esta categoría nos premios Óscar). El maquillaxe supunxera'l 17% del total del presupuestu.
Secueles
[editar | editar la fonte]L'éxitu d'esti llargumetraxe llevó al aniciu de delles secueles y precueles, una serie de televisión finada na so primer temporada y otra de dibuxos animaos (más paecida a la novela de Pierre Boulle, La planète des singes) nes décades de 1960 y 1970.
Les secueles, foron:
- Beneath the Planet of the Apes, 1970.
- Escape from the Planet of the Apes, 1971.
- Conquest of the Planet of the Apes, 1972.
- Battle for the Planet of the Apes, 1973.
Y dos series de televisión:
- Planet of the Apes, 1974.
- Beneath the Planet of the Apes (serie animada), 1975.
En 2001, Tim Burton dirixó una nueva versión llamada Planet of the Apes con una rellectura de la novela baxo la so manera d'atolenala. Onde más s'estrema de la película orixinal ye en la movilidá de los simios; en que nun aprucen los personaxes principales de la película orixinal (Zira, Cornelius, el Dr. Zaius y Taylor) y en que los humanos son quién a falar.
En 2011 estrenóse Rise of the Planet of the Apes del direutor Rupert Wyatt y con James Franco, Freida Pinto, John Lithgow y Andy Serkis nel repartu. Acordies con 20th Century Fox, artísticamente ye una nueva versión de la hestoria y nun tien venceyu cola saga.
El 11 de xunetu de 2014 asoleyó Dawn of the Planet of the Apes del direutor Matt Reeves y con Gary Oldman, Jason Clarke, Keri Rusell y Kodi Smit-McPhee nel papel d'humanos; y con Andy Serkis (Cesar), Toby Kebbell (Coba), Karin Konoval (Maurice) como simios. Esta ye la secuela de Rise of the Planet of the Apes de 2011.
Referencies
[editar | editar la fonte]- ↑ 1,0 1,1 URL de la referencia: http://www.imdb.com/title/tt0063442/. Data de consulta: 14 abril 2016.
- ↑ URL de la referencia: http://www.boxofficemojo.com/movies/?id=planetoftheapes.htm.
- ↑ URL de la referencia: http://www.sfi.se/sv/svensk-filmdatabas/Item/?itemid=12871&type=MOVIE&iv=Shows.
- ↑ Afirmao en: Lexikon des internationalen Films. Llingua de la obra o nome: alemán. Editorial: Zweitausendeins.
- ↑ URL de la referencia: http://www.filmaffinity.com/en/film674289.html.
- ↑ 6,00 6,01 6,02 6,03 6,04 6,05 6,06 6,07 6,08 6,09 6,10 URL de la referencia: http://www.imdb.com/title/tt0063442/fullcredits. Data de consulta: 14 abril 2016.
- ↑ 7,0 7,1 Afirmao en: ČSFD. Llingua de la obra o nome: checu. Data d'espublización: 2001.
- ↑ «Box Office Mueyo» (inglés). Consultáu'l 6 xunu 2024.
- ↑ URL de la referencia: https://www.the-numbers.com/movie/Planet-of-the-Apes.
- ↑ URL de la referencia: https://www.cnc.fr/professionnels/visas-et-classification/34341.
- ↑ Afirmao en: Filmografía Nacional Danesa.
Enllaces esternos
[editar | editar la fonte]- Planet of the Apes en Internet Movie Database
- Planeta Simios. Portal sobre el universo de Planet of the Apes
| Control d'autoridaes |
|
|---|
Datos: Q59534
Multimedia: Planet of the Apes (1968 film)