Pedro de Silva Cienfuegos-Jovellanos

Pedro de Silva Cienfuegos-Jovellanos
2. Presidente del Principáu d'Asturies
Diputáu nel Congresu de los Diputaos d'España
Diputáu nel Congresu de los Diputaos d'España
Vida
Nacimientu	Xixón, 18 d'agostu de 1945 (78 años)
Nacionalidá	España
Estudios
Estudios	Universidá d'Uviéu ; Colexu de la Inmaculada
Llingües falaes	castellanu
Oficiu	políticu, escritor, abogáu
Llugares de trabayu	Xixón
Premios	ver La Sonrisa Vertical (1998) ;
Creencies
Partíu políticu	Partíu Socialista Obreru Español

Pedro de Silva Cienfuegos-Jovellanos (18 d'agostu de 1945, Xixón) ye un abogáu, escritor y políticu asturianu que foi presidente del Principáu d'Asturies ente 1983 y 1991.

Nel añu 1975 fundó'l coleutivu Democracia Socialista, que más tarde pasaría a integrase nel Partido Socialista Popular que finalmente acabaría formando parte del PSOE en 1978. En mayu de 1983 resultó vencedor de les eleiciones n'Asturies, colo que foi nomáu Presidente del Principáu. Repitió trunfo na siguiente convocatoria, calteniéndose nel cargu hasta mayu de 1991. Esi añu retiróse de la práutica de la política activa.

Dende entós, centra la so actividá na creación lliteraria, asina como na so profesión d'abogáu. Prueba d'ello ye que collabora de forma habitual como articulista con delles publicaciones periódiques y revistes. Ganó'l premiu "La sonrisa vertical" pol so llibru de rellatos Kurt, en 1998. La so primer novela asoleyóla col nomatu de Carlos del Busto.