Rafael Fernández
|
||
| Orde: | Presidente del Conseyu Rexonal d'Asturies. Primer presidente del Principáu d'Asturies. | |
| Mandatu: | del 1978 al Mayu de 1983 | |
| Predecesor: | L'anterior presidente d'Asturies foi Belarmino Tomás nel Conseyu Soberanu de 1937 enantes de la ocupación franquista. | |
| Socesor: | Pedro de Silva Cienfuegos-Jovellanos | |
| Nació'l: | 1 d'ochobre de 1913 | |
| Nació en: | Uviéu | |
| Pareya: | Purificación Tomás Vega | |
| Profesión: | Abogáu | |
| Partíu políticu: | PSOE | |
Rafael Fernandez foi un dirixente políticu asturianu, nacíu n'Uviéu l'1 d'ochobre de 1913, que morrió na mesma ciudá'l 18 d'avientu de 2010. Vildu de Purificación Tomás, fía del socialista asturianu Belarmino Tomás Álvarez, presidente del Conseyu Soberanu d'Asturies y Llión. Foi un políticu perteneciente a la Federación Socialista Asturiana (FSA-PSOE).
Tres el congresu del 15 d'ochobre de 1936 en Xixón nel que nació la Federación Asturiana de la Juventud Socialista Unificada(JSU) Rafael Fernández foi escoyíu secretariu xeneral de la JSU d'Asturies. Formará parte del Conseyu Interprovincial d'Asturies y Lleón y llueu del Conseyu Soberanu d'Asturies y Lleón), foi Conseyeru de Facienda.
Esiliáu en Méxicu tres la ocupación d'Asturies poles tropes franquistes (agostu de 1937), torna del esiliu en 1977. Foi'l Presidente, de magar 1978, del Conseyu Rexonal d'Asturies (nome del muérganu provisional preautonómicu creáu p'Asturies pol Gobiernu d'Adolfo Suárez) fasta l'aprobación del Estatutu d'Autonomía (30 d'avientu de 1981). Poro, pue considerase-y el Primer Presidente del Principáu d'Asturies.
 |
Esti artículu necesita ilustrase con imáxenes. Pues xubir imáxenes en Commons. |
| Predecesor: Belarmino Tomás (Conseyu Soberanu) |
 Presidente d'Asturies 1978 - 1983 |
Socesor: Pedro de Silva |
