Mariano José de Larra

De Uiquipedia
Saltar a: navegación, buscar
Mariano José de Larra

Mariano José de Larra y Sánchez de Castro (Madrid, 24 de marzu de 1809 – Ibídem 13 de febreru de 1837) foi un escritor y periodista español y un de los más importantes exponentes del romanticismu español.

Ta consideráu xunto a Espronceda, Bécquer y Rosalía de Castro, el más altu cumal del romanticismu lliterariu español. Periodista, críticu satíricu y lliterariu, y escritor costumista, publica en prensa más de doscientos artículos a lo llargo de tan sólo ocho años. Impulsa asina'l desendolcu del xéneru ensayísticu. Escribe baxo los seudónimos Fígaro, Duende, Bachiller y El pobrecito hablador. D'acuerdo con Iris M. Zavala, Larra representa el romanticismu democráticu n'acción. Lloñe de la complacencia nes efusiones del sentimientu, Fígaro asitia España nel centru de la so obra crítica y satírica. La so obra hai que la entender nel contestu de les Cortes recién nacíes tres la década ominosa (1823–1833), y de la primera guerra carlista (1833–1840).

Tres el tempranu suicidiu de Larra a los 28 años d'edá, José Zorrilla llee nel so entierru una elexía patética cola que se da a conocer.

En 1908 dalgunos de los representantes de la xeneración del 98, Azorín, Unamuno y Baroja, lleven una corona de flores a la so tumba, homenaxe que significa el so redescubrimientu y la identificación del grupu col pensamientu de Larra y con la so preocupación por España.

Biografía[editar | editar la fonte]

Mariano José de Larra nació'l 24 de marzu de 1809 en Madrid, na cai de Segovia, onde taba situada l'antigua Casa de la Moneda. Nella trabayaba el so güelu. Sos padres fueren Mariano de Larra y Langelot y la so segunda esposa, María de los Dolores Sánchez de Castro. El padre, que yera médicu, distinguiose como afrancesau, ocupando'l puestu de ciruxanu militar nel exércitu josefin, durante la Guerra de la Independencia, polo que en 1813, cuando el futuru autor tenía cuatro años, la so familia tuvo qu'abandonar el país siguiendo al rei Xosé I Bonaparte y exiliase, primero en Burdeos y después en París. Gracies a la amnistía decretada por Fernando VII, la familia pudo regresar a España en 1818 y estableciose en Madrid, onde'l padre convirtiose en médicu personal del infante don Francisco de Paula, un de los hermanos del rei Fernando.

Larra siguió en Madrid los estudios comenzaos en Francia, y foi siguiendo a so padre nos destinos qu'iba ocupando en distintos puntos d'España (Corella, 1822–1823; Cáceres, 1823–1824; Aranda de Duero, 1824 n'alantre). En 1824 instalose en Valladolid pa estudiar na Universidá. Anque nun se presentó a nengún examen esi cursu, n'ochobre de 1825 aprobó toes les asignatures. La causa de la non presencia nos exámenes pue debese a un «acontecimientu misteriosu» qu'alteró'l so carácter completamente, según refier el so biógrafu Cayetano Cortés.[1] Posteriormente afirmose que se enamoró d'una muyer muchu mayor qu'él que resultó ser la amante de so padre. Tres asistir a los exámenes d'ochobre, dexó los estudios de Valladolid y volvió a Madrid (1825).

Sigue los sos estudios y en 1827 ingresa nos Voluntarios Realistas, cuerpu paramilitar formáu por fervientes absolutistes, significaos pola so participación na represión escontra los lliberales. Al tiempu empieza a escribir poesía, fundamentalmente odes y sátires.

Sin embargu, será'l periodismu satíricu lo que saque a la lluz a Larra. Con diecinueve años, en 1828 Larra publica un folletu mensual llamau El duende satírico del día. Será una serie de cinco cuadernos en la línea de les revistes de ensayos inauguraes n'Inglaterra a comienzos del XVIII con The Spectator, de Addison y Steeles, y que en España representen El duende especulativo de la vida civil, El Pensador y El Censor, dedicaos a la crítica de la sociedad del so tiempu. Larra firmaría con el seudónimu el Duende. N'esta publicación empieza a entrevese el xeniu satíricu que Larra desplegaría posteriormente. Larra nun ye, sin embargu, un opositor al réxime absolutista (sigue perteneciendo a los Voluntarios Realistas), sinon un periodista que, per aciu de la sátira, critica la situación social y política del momentu.

Larra nun ta solu sinon que forma parte d'un grupu de xóvenes inquietos y disconformes que s'axunten nun café de la cai del Príncipe en Madrid. La tertulia ye bautizada como «El Parnasillo», y frecuentenla Ventura de la Vega, Juan de la Pezuela, Miguel Ortiz, Juan Bautista Alonso o Bretón de los Herreros. N'avientu de 1828, Larra tien un enfrentamientu nel café con José María de Carnerero, director de El Correo Literario y Mercantil, al que «El duende» había criticao nos sos últimos númberos. Carnetero acude a les autoridaes, que zarren la publicación. Larra yá conseguiere ciertu renome como agudu observador de les costumes y de la realidá cultural, social y política del momentu.

El 13 d'agostu de 1829 casose con Josefa Wetoret. El matrimoniu foi desgraciau y acabaría en xebra pocos años dempués.

Durante 1830, Larra dedícase a la traducción de pieces franceses pal empresariu teatral Juan Grimaldi, al tiempu qu'entama a escribir les suyes propies (en 1831 estrenaría la comedia costumista No más mostrador, inspirada nun vodevil francés). Esi añu sería crucial, puesto que conoz a Dolores Armijo, casada con un fiyu del conociu abogau Manuel María de Cambronero, cola qu'iniciaría una tormentosa rellación en 1831 (al tiempu que siguía casáu con Josefa Wetoret, de la que tuviere un fiyu en 1830).

En 1832 vuelve al periodismu de crítica social con El Pobrecito Hablador, na cual escribió col seudónimu de Juan Pérez de Munguía. En El Pobrecito, Larra amosa la ilusión ilustrada y progresista de que ye posible superar, cola esperanza nel mañana, el castellanismu vieyu d'un patriotismu anquilosáu nel pasáu. El Pobrecito Hablador cesa de publicase en marzu de 1833, dellos meses dempués de que Larra entamare a collaborar con La Revista Española, periódicu d'orientación lliberal que naciere en payares de 1832, aprovechando que la enfermedá del rei dexare'l gobiernu en manes de la reina María Cristina, abriendo les esperances de los lliberales. Col seudónimu de Fígaro, enxertaría crítica lliteraria y política dientro de cuadros costumistes, al abellugu de la relaxación auspiciada pola muerte de Fernando VII. Fairanse famosos artículos como Vuelva usted mañana, El castellano viejo, Entre qué gentes estamos, En este país y El casarse pronto y mal, ente otros. Más allá de la crítica social, Larra ataca a los carlistes comprometíu cola tresformación política del absolutismu al lliberalismu.

En 1834 publicó la novela histórica El doncel de don Enrique el Doliente siendo protagonista el del drama históricu Macías, prohibíu pola censura l' añu anterior y que estrénase'l 24 de setiembre. Ambes básense na tráxica vida del poeta medieval Macías y nos sos amores adúlteros, un argumentu que reflexa en ciertu mou la rellación que mantenía con Dolores Armijo. Nel branu de 1834, Dolores abandónalu y marcha de Madrid, en tanto que xebrase de la so muyer, embarazada, que dará a lluz una nena dempués de la ruptura (la segunda fiya tres la que tuvieren en 1832).

En 1835 emprendió un viaxe a Lisboa, dende onde embarcó rumbu a Londres y dempués a París, pasando enantes per Bruseles. En París quedaríase dellos meses, conociendo a Víctor Hugo y Alexandre Dumas. Esi añu entamare a publicar en Madrid una recopilación de los sos artículos: Fígaro. Colección d'artículos dramáticos, lliterarios, políticos y de costumes. De regresu en Madrid, trabayó pal periódicu El Español. N'esta época, la preocupación política dominaba nos sos escritos. Larra sofita al entamu al gobiernu de Mendizábal, sin embargu entama a criticalu al observar que la desamortización redunda en perxuiciu de los más necesitaos. Tres la cayída del gobiernu de Mendizábal, decidió intervenir na política activa a favor de los moderaos, siendo elexíu diputáu por Ávila (1836). El Motín de La Granja (12 d'agostu de 1836), cola que se restaura la Constitución de 1812, impidió que tomara posesión del so escañu.

El so creciente desalientu ya inconformidá ante el cursu de la sociedá y la política españoles xunto col dolor que-y produxo la so xebra definitiva de Dolores Armijo (Larra visitárela en Ávila en febreru de 1836, ensin conseguir nengún resultáu positivu) quedaren reflexaos nes sos últimos artículos. Quiciás el más notable ye El día de difuntos de 1836, publicáu en El Español, nel que detrás del so habitual ironía apaecía un fondu pesimismu. El 13 de febreru de 1837 Dolores Armijo, acompañada de la so cuñada, visítalu en so casa, comunicándo-y que nun había ninguna posibilidá d'acuerdu. Apenes salieren les dos muyeres de la casa, suicidose d'un pistoletazu na vidaya derecha. Tenía veintiocho años.

Significación[editar | editar la fonte]

Larra foi un eminente articulista, con una gran claridá y vigor na so prosa. Nos sos artículos combate la organización del estáu, ataca al absolutismu y al carlismu, búrllase de la sociedá, y rechaza la vida familiar. Representa'l romanticismu democráticu n'acción: los males d'España son el tema central de la so obra crítica y satírica. Descontentu col país y colos sos homes, escribe artículos críticos (En este país, El castellano viejo, El día de difuntos de 1836, Vuelva usted mañana...), escontra la censura (Lo que no se puede decir no se debe decir), la pena capital (Los barateros o El desafío y la pena de muerte), escontra'l pretendiente carlista (¿Qué hace en Portugal su majestad?) y el carlismu (Nadie pase sin hablar al portero), escontra l'usu incorrectu de les palabres (Por ahora, Cuasi, Las palabras), etc. Tamién cultivó la novela histórica (El doncel de don Enrique el Doliente) y la traxedia (Macías).

Artículos[editar | editar la fonte]

Periódicos nos que se publiquen los artículos de Larra y seudónimos utilizaos pol autor:

  • 1828, El Duende Satírico del Día ye'l primer folletu qu'entama a escribir Larra, col seudónimu de El Duende.
  • 1832, El Pobrecito Hablador, nel cual escribió col seudónimu de Juan Pérez de Murguía.
  • 1833, La Revista Española, col seudónimu de Fígaro.

Obra[editar | editar la fonte]

  • Obras Completas de D. Mariano José de Larra, Montaner y Simón, Barcelona, obra principal.

Notas[editar | editar la fonte]

  1. Cayetano Cortés: Vida de don Mariano José de Larra conocido vulgarmente bajo el seudónimo de Fígaro, na Biblioteca Virtual Miguel de Cervantes.

Bibliografía[editar | editar la fonte]

  • Adler, Robert L. “Modernization of Spain and the converso in the Work of Mariano José de Larra”. Hispania 72.3 (1989), pp. 483–490.
  • Alma Amell, Alma. La preocupación por España en Larra. Madrid: Pliegos, 1990.
  • Behiels, Lieve. «El criterio de la verosimilitud en la critica literaria de Larra». Castilla: Boletín del Departamento de Literatura Española 8 (1984), pp. 25–46.
  • Cano, Vicente. «Los ensayos de Larra y Alberdi: Paralelos y puntos de contacto estilísticos». En Studies in Eighteenth-Century Spanish Literature and Romanticism in Honor of John Clarkson Dowling. Ed. Douglas and Linda Jane Barnette. Newark: Juan de la Cuesta, 1985, pp. 37–47.
  • Cedeño, Aristófanes. «Los grandes ideales sociales y la perspectiva histórico-política en los artículos de Larra». Romance Languages Annual 7 (1995), PP. 423–429.
  • Cedeño, Aristófanes. «Hombre y sociedad en el pensamiento de Larra». Hispanófila 123 (1998), pp. 17–29.
  • Centeno, Augusto. «La Nochebuena de 1836». Modern Language Notes 50 (1935), pp. 441–445.
  • Escobar, José. «El Pobrecito hablador de Larra, y su intención satírica». Papeles de Son Armadans 64 (1972), pp. 5–44.
  • Escobar, José. Los orígenes de la obra de Larra. Madrid: Editorial Prensa Española, 1973.
  • Escobar, José. «Larra durante la ominosa década». Anales de Literatura Española 2 (1983), pp. 233–249.
  • Escobar, José. «Larra y la revolución burguesa». Revista de Historia 10 (Nov. 1987), pp. 55–67.
  • Hendrix, William S. “Notes on Jouy’s Influence on Larra”. Romantic Review 9 (1920), pp. 37–45.
  • Kirkpatrick, Susan. Larra: El laberinto inextricable de un romántico liberal. Trad. Marta Eguía. Madrid: Gredos, 1977.
  • Lomba y Pedraja, José. Mariano José de Larra (Fígaro). Cuatro estudios que le abordan o le bordean, Madrid: Tipografía de Archivos, Olózaga, 1936.
  • Lorenzo-Rivero, Luis. Larra y Sarmiento: Paralelismos históricos y literarios. Madrid: Ediciones Guadarrama, 1968.
  • Lorenzo-Rivero, Luis. Larra: Técnicas y perspectivas. Madrid: Ediciones José Porrúa Turanzas, 1988.
  • Rosenberg, John R. “Between Delirium and Luminosity: Larra’s Ethical Nightmare”. Hispanic Review 61.3 (1993), pp. 379–389.
  • Schurlknight, Donald E. Spanish Romanticism in Context: Of Subversion, Contradiction and Politics: Espronceda, Larra, Rivas, Zorrilla. Lanham: University Press of America, 1998.
  • Servodidio, Joseph V. Los artículos de Mariano José de Larra: Una crónica de cambio social. Nueva York: Eliseo Torres, 1976.
  • Tarr, F. Courtney. “Larra's Duende Satírico del Día”. Modern Philology 26 (1928–1929), pp. 31–46.
  • Ullman, Pierre L. Mariano de Larra and Spanish Political Rhetoric. Madison: The University of Wisconsin Press, 1971.
  • Ward, Thomas. «Literatura y sociedad española en Larra, Giner y Alas». La teoría literaria: el romanticismo, el krausismo y el modernismo ante la «globalización» industrial. University, MS: Romance Monographs, Nu 61, 2004, pp. 15–52.

Enllaces esternos[editar | editar la fonte]

Plantía:Wikisource

Mariano José de Larra
Wikimedia Wikicites tien cites rellacionaes con: