Pío Baroja

De Uiquipedia
Saltar a: navegación, buscar

Pío Baroja y Nessi (San Sebastián, 28 d'avientu de 1872 - Madrid, 30 d'ochobre de 1956) foi un escritor español de la nomada Xeneración del 98. Foi hermanu del pintor y escritor Ricardo Baroja y tíu del antropólogu Julio Caro Baroja y del director y guionista de cine Pío Caro Baroja.

PioBaroja.JPG

Obres[editar | editar la fonte]

L'autor vascu, anque fizo ensayu, teatru, poesía, cuentu y delles biografíes, centró la so obra nel principal xéneru narrativu de la dómina, la novela. Escribió munches, y agrupó les principales d'elles en nueve triloxíes y una tetraloxía, que son les que vienen darréu:

  • Tierra vasca axunta La casa de Aitzgorri: novela en siete jornadas (1900), El mayorazgo de Labraz (1903) y Zalacaín el aventurero (1909). Dellos autores consideren que La leyenda de Jaun de Alzate (1922) ye tamién parte d'esti grupu.
  • La vida fantástica ta formada por Aventuras, inventos y mixtificaciones de Silvestre Paradox (1901), Camino de perfección (pasión mística) (1901) y Paradox rey (1906).
  • La lucha por la vida inclúi La busca, Mala hierba y Aurora Roja, escrites nel añu 1904.
  • El pasado agrupa La feria de los discretos (1905), Los últimos románticos (1906) y Las tragedias grotescas (1907).
  • La raza inclúi La dama errante (1908), La ciudad de la niebla (1909) y El árbol de la ciencia (1911).
  • Las ciudades ta formada por César o nada (1910), El mundo es ansí (1912) y La sensualidad pervertida: ensayos amorosos de un hombre ingenuo en una época de decadencia (1920).
  • El mar ye una tetraloxía formada por Las inquietudes de Shanti Andía (1911), El laberinto de las sirenas (1923), Los pilotos de altura (1929) y La estrella del capitán Chimista (1930).
  • Agonías de nuestro tiempo agrupa El gran torbellino del mundo, Las veleidades de la fortuna y Los amores tardíos, escrites en 1926 y asoleyaes en feches diverses (la cabera d'elles en 1942).
  • La selva oscura inclúi La familia de Errotacho (1931) y El cabo de las tormentas y Los visionarios, escrites dambes en 1932.
  • La juventud perdida inclúi Las noches del Buen Retiro (1934), Locuras de carnaval (1935) y El cura de Monleón (1936).

Hai, amás d'elles, munches otres noveles. En ventidós d'elles, que formen les Memorias de un hombre de acción, desarrolla les aventures que, nel sieglu XIX, viviera un antepasáu suyu lliberal y masón, Eugenio de Avinareta. Y hai otres, escrites nos caberos años de la so vida, que nun s'agrupen en triloxíes específiques y que, poro, conócense como Novelas sueltas. Son, ente más otres, Susana y los cazadores de moscas (1938), Laura o la soledad sin remedio (1939), El caballero de Erlaiz (1943), El puente de las ánimas (1944), El hotel del Cisne (1946) y El cantor vagabundo (1950).

Bibliografía[editar | editar la fonte]

Los estudios sobro esti autor, ún de los principales novelistes españoles del sieglu XX, son munchos. Destaquen, ente la bayura d'ellos, los que vienen darréu:

  • Alarcos Llorach, E. 1973. Anatomía de «La lucha por la vida». Uviéu.
  • Arregui Zamorano, M. T. 1998. Estructuras y técnicas narrativas en el cuento literario de la generación del 98: Unamuno, Azorín y Baroja. Pamplona.
  • Baeza, F. (ed.). 1961. Baroja y su mundo, 3 vols. Madrid.
  • Caro Baroja, J. 1973. Los Baroja. Madrid.
  • Caro Baroja, P. 1987. Guía de Pío Baroja. El mundo barojiano. Madrid.
  • Cipliajauskaite, B, 1972, Baroja, un estilo, Madrid, Ínsula.
  • Cueto Pérez, Magdalena, 1985, Aspectos sistemáticos en la narrativa de Pío Baroja: El árbol de la Ciencia. Uviéu, Universidá d'Uviéu.
  • del Moral, C. 1974. La sociedad madrileña fin de siglo y Baroja. Madrid.
  • Elizalde, I. 1975. Personajes y temas barojianos. Bilbao.
  • González López, E. 1972. El arte narrativo de Pío Baroja en las trilogías. Nueva York.
  • Iglesias, C. 1963. El pensamiento de Pío Baroja. México.
  • Navarro, K. 2006. Pío Barojaren Donostia. Irún.
  • Sánchez-Ostiz, Miguel, 2000.Derrotero de Pío Baroja Irún, Alberdania.
  • Sánchez-Ostiz, Miguel, 2006.Pío Baroja, a escena Madrid, Espasa-Calpe.
  • Sánchez-Ostiz, Miguel, 2007.Tiempos de tormenta. Pío Baroja 1936–1941, Pamplona, Pamiela.
Pío Baroja
Wikimedia Commons tien archivos rellacionaos con: