Knitta
Knitta ye un grupu de taggers tricotadores que dexen les sos obres en monumentos, moblame urbanu y otros llugares públicos. A diferencia de los taggers tradicionales, Knitta emplega materiales que nun estropien los soportes, como filo y testil.[1] La misión del grupu ye faer l'arte caleyero «un pocu más templáu y lanudo», acordies col so miembru AKrylik.[2]
Fundáu en 2005 por dos muyeres del área metropolitana de Houston, Knitta creció hasta tener once miembros. Una docena de grupos siguieron el so exemplu n'otres partes del mundu. El grupu foi convidáu a exhibir el so arte en Los Angeles y París, ente otros.
Los empiezos[editar | editar la fonte]
Los miembros de Knitta AKrylik y PolyCotN fundaron el grupu como forma de encauzar la so frustración con proyeutos inacabados, como jerséis a mediu texer.[3] La primer obra foi un calentador pa la manija de la puerta de la tienda de PolyCotN. Tantu a ella como a los veceros encantólos el resultancia. Entós pensó «Faigamos más».[1]
Orixe del nome[editar | editar la fonte]
El nome del grupu y los nomatos de los miembros del grupu fueron inspiraos pol deséu d'asemeyase al grafiti, pero con elementos tricotados». El grupu entemez la terminoloxía del tricotado artesanal col estilu hip-hop, asina que camudaron el nome de Knitting a Knitta pa «representar los alies tradicionales del arte caleyero».[4] PolyCotN y AKrylik inventaron los sos propios nomes y depués crearon nomes pa otros nuna sesión de brainstorming que consideraron «una de les xuntes más hilarantes». Los nomes de los miembros inluyen Purl Nekklas, P-Knitty, The Knotorious N.I.T., MascuKnitity, y Granny SQ.[5]
N'avientu de 2007 el grupu tenía cinco miembros femeninos y unu masculín, que guarden l'anonimatu.[4] Hai de cinco a doce grupos más n'otres partes del mundu.[1]
Tags nes cais[editar | editar la fonte]
De normal dexen la so obra los vienres pela nueche y los domingos pela mañana;[6] los miembros de Knitta dexen una etiqueta de papel cada vez, na que pon «knitta please» o «whaddup knitta?»[6] Usen como soporte árboles, faroles, verjas, boques de quema, monumentos y otros elementos urbanos.[4] Los miembros de Knitta dexaron la so marca en monumentos nacionales de valumbu, como la Gran muralla china o Notre Dame de París.[7]
El grupu emplega les fiestes señalaes como tema pa les sos obres, pos usen por casu filo rosa en San Valentín y brillosu como espumillón en Nuechevieya. Cuando Knitta nun trabaya nun tema concreta facer concentrándose nun oxetivu o área específicos.[8]
El grupu y los sos siguidores consideren los sos grafitis «un métodu d'enguapecer l'espaciu públicu».[1] Anque lo que faen ta consideráu vandalismo en dellos estaos, nun sufrieron represalies, probablemente porque ye bien senciellu retirar les pieces tricotadas.[9]
Descubrimientu internacional[editar | editar la fonte]
En consiguiendo espertar l'atención internacionalmente, el grupu decidió actuar en ciudaes y oxetivos mayores, empezando en Nueva York. Dos selmanes más tarde taben en Seattle, onde fixeron la so primer obra a gran escala.[10][11] Emplegando más de 15,24 m de material tricotado que donaren los voluntarios de la so llista de corréu, envolubraron una columna de monorraíl. Knitta pidió a los sos fans que dexaren los sos tags n'otros llugares y unviaren fotografíes. El pidimientu recibió una respuesta apolmonante.[1]
El grupu cubrió con pieces de llana de 0,6 metru d'altor y 0,75 metros de llargor los tueros de 25 árboles de la mediana de la Allen Parkway de Houston na Art Car parade en mayu de 2006.[8] Un añu más tarde los Knitta fueron convidaos a Standard Hotel Los Angeles por que trabayaren sobre una caxa de cristal que contién diseños ya idees de moda. La caxa ta tres la mesa de receición.[1]
En mayu de 2007, pa celebrar el 60º aniversariu de Bergère de Francia, el primer fabricante de filo francés,[12] La compañía convidó a Knitta a París pa «revitalizar los paisaxes urbanos con pieces obres tricotadas».[13]
Knitta tamién dexó les sos obres n'El Salvador y Montreal.[13]
Referencies[editar | editar la fonte]
- ↑ 1,0 1,1 1,2 1,3 1,4 1,5 Duncan, Savannah (21 de xunu de 2007). «Off the hook street art». VOX Magacín. Consultáu'l 22 d'avientu de 2007.
- ↑ «Houston, Texas Cries Out 'Knitta Please'». Wireless Flash News (6 de xineru de 2006). Consultáu'l 23 d'avientu de 2007.
- ↑ Bjortomt, Olav (11 de marzu de 2006). «Knit Wits». Times Newspapers, Ltd.. http://entertainment.timesonline.co.uk/tol/arts_and_entertainment/whats_on/listings/article738388.ece. Consultáu'l 20 d'avientu de 2007.
- ↑ 4,0 4,1 4,2 Miles, Amber (9 d'agostu de 2006). «Guerrilla knitters tag Houston with yarn». San Antonio Express-News. http://www.mysanantonio.com/salife/stories/MYSA081006.01P.Knitta.4f24589.html. Consultáu'l 20 d'avientu de 2007.
- ↑ «Crew». KnittaPlease.com. Consultáu'l 21 d'avientu de 2007.
- ↑ 6,0 6,1 Plocek, Keith (15 d'avientu de 2005). «Knitta, Please! Hitting the streets with Montrose's craftiest taggers». HoustonPress. http://www.houstonpress.com/2005-12-15/news/knitta-please/. Consultáu'l 20 d'avientu de 2007.
- ↑ KNITTA PLEASE: Graffiti You Can Cuddle Up To. inhabitat. 11 de xineru de 2007. http://www.inhabitat.com/2007/01/11/knitta-please-graffiti-you-can-cuddle-up-to/. Consultáu'l 22 d'avientu de 2007.
- ↑ 8,0 8,1 Maltby, Anna (14 de xunu de 2006). «Knitta, please!». VenusZine. Consultáu'l 23 d'avientu de 2007.
- ↑ Myint, Jacky (10 de payares de 2006). «Knitta, please: Tag like grandma». New Port Daily News. Archiváu dende l'orixinal, el 16 de xunetu de 2010. Consultáu'l 23 d'avientu de 2007.
- ↑ Reighley, Kurt B (2006-08-01). "Daylight Broads". The Stranger. Aportáu'l 2007-12-28.
- ↑ Martínez, Mario (2007-05-14). "Grafitti knitting it’s warm, fuzzy, colourful and illegal". SUBvert Magacín. Aportáu'l 2007-12-28.
- ↑ «Who is Bergère de France?». Bergeredefrance.fr. Consultáu'l 23 d'avientu de 2007.
- ↑ 13,0 13,1 Matroka, Bernadette (Avientu de 2007). «Knitta, The All-Girl Knitting Graffiti Tag Crew, Hits up Paris Turning Urban Detritus into a Fiber Enthusiasts Dreamscape». Label Networks - Arts & Events. Consultáu'l 23 d'avientu de 2007.
Enllaces esternos[editar | editar la fonte]
