Kick-boxing
De Uiquipedia
El términu kick-boxing designa un conxuntu de disciplines o deportes de combate qu'utilizen los pies y los puños. En particular ye una de les disciplines de Boxe pieds-poings que desendolcaron primero los xaponeses y depués los norteamericanos.
A mediaos de los años sesenta'l xaponés Kurosaki, prauticante de Kárate Kiokushinkaï, viaxó a Tailandia descubriendo'l Muay-Thaï. Al so retornu al Xapón decidió mecer les sos téuniques de kárate coles del Muay-Thaï, desaniciando los golpes de coldu y rodiya, asina nació un nuevu deporte denomáu kick (patexar) boxing (boxear).
Ente los non xaponeses que más ésitos consiguieron, rescamplen el francés Christian Guillaume, qu'en 1969 algamó cuatro victories y dos nulos; y l'americanu Benny "The Jet" Urquidez, qu'en 1977 ganó Tatsuyuki Suzuki en cuatro asaltos.
En 1973 Urquidez y Howard Hanson crearon la W.K.A. (Asociación Mundial de Kárate), camudando años depués la "K" de kárate pa la de Kick-Boxing.
Los campeones más conocíos son Rob Kaman, Benny Urquidez, Dennis Alexio y Ernesto Hoost.
[editar] Reglamentu
Los golpes de puñu y pierna (patada) tán autorizaos penriba de la cintura, los barríos y los low kicks (golpes cola pierna al muslu) tamién tán autorizaos.
Los combates amateurs celébrense en tres asaltos, y los profesionales pasen de los cinco asaltos; 10 en campeonatos d'Europa y 12 nos campeonatos del mundu, con un descansu d'un minutu ente asaltos.
Los golpes cola pierna al muslu (low kick) suelen marcar la diferencia nos combates.
[editar] Vistimienta
Pantalones (llargos o curtios), guantes y proteutores pa la boca y los xenitales; nos combates femeninos han traer proteutor de pechu y botines (opcionales nos profesionales).
