Taekwondo

De Uiquipedia
Saltar a: navegación, buscar
Competición de Taekwondo

El taekwondo o más exautamente taegwondo[1] ye un arte marcial d'orixe coreanu, bastante asemeyáu al kárate xaponés. Básase na utilización de les manes y pies p'atacar o defendese d'un adversariu. El taekwondo ye un deporte nacional en Corea del Sur, kyeorugi, y una prueba deportiva nos Xuegos Olímpicos. Nel alfabetu coreanu hangeul, tae (跆) significa golpiar col pie; gwon (拳) golpiar cola mano; y do (道) significa camín o vía. Taekwondo ye asina davezu traducíu por "camín del pie y del puñu".

El taekwondo afítase nuna llarga tradición d'artes marciales coreanes (qu’anicia unos 2000 años atrás), magar que tien na so forma actual namái que cerca de 50 años. Güei en día tresformóse nun deporte mui estendíu. Nos Xuegos Olímpicos de Seúl 88 y de Barcelona 92 tresformóse en deporte olímpicu d'exhibición y actualmente aportó a ser deporte olímpicu de competición.

Ún de los exercicios más importantes ye la realización de pumses (kata en terminoloxía de kárate). Los pumses son secuencies de movimientos de defensa y ataque que simulen un combate imaxinariu con diversos adversarios, y tán rellacionaos direutamente colos diferentes graos de cinturones. Apriéndense de memoria y repítense col envís d'incrementar l'equilibriu, la elasticidá, la rapidez y el dominiu de los desemeyaos movimientos.

Notes[editar | editar la fonte]

  1. Según la trescripción oficial del coreanu al alfabetu llatín actualmente vixente en Corea del Sur.

Enllaces esternos[editar | editar la fonte]