José Antonio Cepeda González

José Antonio Cepeda González
Vida
Nacimientu	Uviéu, 28 d'abril de 1921
Nacionalidá	España
Muerte	15 de xunetu de 1999 (78 años)
Estudios
Llingües falaes	castellanu
Oficiu	periodista

José Antonio Cepeda González (28 d'abril de 1921, Uviéu – 15 de xunetu de 1999) foi un periodista español.

Biografía[editar | editar la fonte]

Empecipió la so carrera periodística collaborando cola La Nueva España. Depués trabayó n'otros munchos periódicos como La Voz de Castiella, Arriba, Fierro o Información, hasta qu'en 1954 tornó a la redaición de La Nueva España. Darréu foi redactor y direutor de Región, y collaboró viviegamente con otros medios como Radio Nacional d'España. Tamién foi xefe de prensa y comunicaciones de la Diputación Provincial y de la empresa minera Hunosa.

Foi premiáu col Premiu Nacional de Turismu y col de periodismu del Exércitu en trés causes.

Utilizó'l pseudónimu Juan de Neguri pa roblar les sos «Cróniques d'Asturies», seición que caltuvo mientres munchos años y dio-y una inmensa popularidá n'Asturies. Les sos últimes collaboraciones fueron publicaes en La Voz de Asturias.

El Conceyu d'Uviéu, en sesión de 5 de febreru de 1996, decidió denominar como Periodistes Cepeda a una cai asitiada en La Florida, ente les cais de Fonte de la Plata y de Martínez Cachero. La decisión xustifícase «como forma d'honrar l'exerciciu d'esi noble oficiu y l'apellíu que tantos homes singulares dio pal so exerciciu», en referencia tantu a José Antonio Cepeda como al so hermanu Luis Alberto Cepeda González y el so padre José Antonio Cepeda.

Obres[editar | editar la fonte]

La mocedá cola
Andadura castellana
Asturies y España en paz

Referencies[editar | editar la fonte]

Enllaces esternos[editar | editar la fonte]