Jean Giraud

De Uiquipedia
Saltar a: navegación, buscar
Jean Giraud en Łódź.

Jean Giraud, llamáu Gir o Moebius (Nogent-sur-Marne, Val-de-Marne, 8 de mayu de 1938; París, 10 de marzu de 2012[1]) foi un dibuxante y guionista francés de cómic.

Biografía[editar | editar la fonte]

Pasa la so neñez en Fontenay-sous-Bois nes afueres de París.

N'otru tiempu taba de «moda» utilizar les iniciales pa tomar un nome martísticu (como por exemplu Hergé por R.G., Remi Georges), pero'l nomatu Jijé yá taba utilizáu por Joseph Gillain. Por eso'l so primer seudónimu foi Gir (baxo'l que asoleya los primeros Blueberry), depués Moebius. Esi nomatu ye verdaderamente inspiráu pol nome del matemáticu August Ferdinand Möbius y la so famosa cinta.

El so estilu gráficu, mui variable, pue dir del realismu detalláu de los entamos como les aventures de Blueberry, entamaes en 1963, pero dir tamién hacia esbozos llíricos de trabayos más recientes.

Ye l'autor del Bandard fou, del Garage hermétique (les aventures del mayor Gruber), del ciclu d'Edena, de Little Nemo y del ciclu del Incal (con Alejandro Jodorowsky). Los sos universos tán esencialmente centraos sobre una ciencia-ficción fantasmagórica y delirante y una poesía teñía de metafísica.

Participó na escritura del dibuxu animáu les Maîtres du temps (René Laloux, 1981). Trabayó na concepción gráfica de dellos films como:

Ye igualmente fundador del periódicu Métal hurlant.

Tamién ye l'autor d'una autobiografía: Giraud Moebius — Histoire de mon Double, éd. Numéro Un.

En 1999, ye presidente del xuráu de la primera edición del Festival de Très Court.

Cosa rara pa un autor de la escuela franco-belxicana, ye reconocíu al otru llau del Atlánticu pol so talentu, y ye una referencia gráfica pa la nueva xeneración d'autores de cómica, en parte gracies al so trabayu pa Silver Surfer, sobre'l que fizo una novela gráfica.

Del 1 de marzu de 2004 al 13 d'abril de 2005 tuvo llugar en París la esposición Miyazaki-Moebius, esponiendo en paralelo los trabayos de Jean Giraud y de Hayao Miyazaki, conocíu realizador de películes d'animación xaponeses del studio Ghibli, como Mon voisin Totoro o La Princesa Mononoke.

Illustraciones[editar | editar la fonte]

Notes[editar | editar la fonte]

  1. [1] El País, 10.03.2012