Ingmar Bergman

...

Ingmar Bergman
Nome real	Ernst Ingmar Bergman
Nacencia	14 de xunetu de 1918 Uppsala,  Suecia
Muerte	30 de xunetu de 2007 (89 años) Fårö, Gotland, Suecia
Cónxugue(s)	Else Fisher (1943–1945) Ellen Lundström (1945-1950) Gun Grut (1951–1959) Käbi Laretei (1959–1969) Ingrid von Rosen (1971–1995)
Premios ganaos Globos d'Oru Meyor película en llingua non inglesa 1960 Freses salvaxes 1961 El manantial de la doncella 1975 Secretos d'un matrimoniu 1977 Cara a cara 1979 Sonata de seronda 1982 Fanny y Alexander Festival de Cannes Premio Especial del Xuráu por El séptimu sellu (1957) Palma de les Palmas (1997) Premio del Xuráu Ecuménicu (1998) Premios César Meyor película extranxera 1984 Fanny y Alexander Otros premios Lleón d'Oru por tola so carrera del Festival Internacional de Cine de Venecia (1971) Osu d'Oru por Freses salvaxes (1958)

Ingmar Bergman (Uppsala, Suecia; 14 de xunetu de 1918 - Fårö; 30 de xunetu de 2007) guionista y direutor de teatru y cine suecu. Consideráu unu de los direutores de cine clave de la segunda metada del sieglu XX, pa munchos, el más importante de la cinematografía mundial.

Biografía

Segundu fíu d'un pastor luteranu, Erik, y de Karin Åkerblom nació n'Uppsala. El mundu metafísicu de la relixón influyó tantu na so niñez como na so adolescencia; la so educación tuvo basada nos conceutos luteranos de pecáu, confesión, castigu, perdón y redención. «Casi toa la nuesa educación tuvo basada en conceutos como pecáu, confesión, castigu, perdón y misericordia, factores concretos nes rellaciones ente padres y fíos, y con Dios», escribe nes sos memories. Munches de les sos obres tán inspiraes neses rellaciones. «Los castigos yeren daqué dafechu natural, daqué qu'enxamás se cuestionaba. Dacuando, yeren rápidos y cenciellos como bofetaes y azotes nes nalgues, pero tamién podíen adoptar formes bien sofisticaes, perfeicionaes a lo llargo de xeneraciones».