Iberdrola

De Uiquipedia
Saltar a: navegación, buscar
Torre Iberdrola de César Pelli. Futura see n'Abandoibarra, Bilbao (26 de xineru de 2010)

Iberdrola (IBEX 35:IBE) (Ticker Bolsa de Madrid: IBE) ye una empresa española con see en Bilbao que xenera, distribúi y comercializa lletrecidá y gas natural. Opera en 28 países y cunta con 16 millones de veceros, 9 d'ellos españoles. Tien tamién intereses en telecomunicaciones.

Hestoria[editar | editar la fonte]

Iberdrola nació'l 1 de payares de 1992 como resultáu de la fusión de Hidroeléctrica Española ya Iberduero

  • Hidroeléctrica Española (tamién conocía como Hidrola) foi fundada nel 1907.
  • Iberduero naz nel 1944 de la fusión de Hidroeléctrica Ibérica (fundada nel 1901) y Saltos del Douru. Nesti proyectu tuvo un papel destacáu l'empresariu bilbaino Horacio Echevarrieta.

Iberdrola fixo frente a estremaos intentos de fusión y realizó otres alquisiciones:

  • Intentu de fusión d'Iberdrola y Repsol nel 1997. Nun cuayó pola falta d'alcuerdu ente dambes compañíes.
  • Intentu de fusión d'Iberdrola y Repsol nel 1999. Nun se cerró pola negativa de La Caixa (principal accionista de Repsol)
  • Intentu de fusión d'Iberdrola y Endesa nel 2000, que foi abandonáu poles condiciones impuestes pol Gobiernu de José María Aznar.
  • Intentu d'OPA contraria de Gas Natural sobro Iberdrola en 2003, frenáu pol vetu de la Comisión Nacional de la Enerxía (CNE).
  • Alquisición de Scottish Power por Iberdrola en payares de 2006, que remató cola absorción d'esta compañía n'abril del 2007. La operación creó la tercer mayor utility d'Europa.
  • Alquisición de la compañía americana Energy East por Iberdrola nel 2008.

Presidentes de la compañía[editar | editar la fonte]

Presidentes de Hidrola

  • Xosé Luis de Oriol y Urigüen, presidente de Hidrola (1907-1941)
  • Xosé María de Oriol y Urquijo, presidente de Hidrola (1941-1960)
  • Iñigo de Oriol Ybarra, presidente de Hidrola (1960-1992)

Presidentes de Iberduero

  • Pedro de Careaga y Baseabe, Conde de Cadagua, presidente de Iberduero (?-1977)
  • Pedro de Areitio, presidente de Iberduero (1977-1981)
  • Manuel Gómez de Pablos, presidente de Iberduero (?-1992)

Presidentes de Iberdrola

  • Iñigo de Oriol Ybarra, primer presidente d'Iberdrola (1992-2005)
  • Ignacio Sánchez Galán presidente d'Iberdrola (2005-nel cargu)

Activos n'España[editar | editar la fonte]

Actual see d'Iberdrola en Bilbao.
Centrales nucleares

Explota individualmente o en conxunción con otres compañíes les centrales nucleares de:

Centrales térmiques de ciclu convencional

En cuanto a centrales térmiques de ciclu convencional, ye propietaria de les centrales térmiques de:

  • C. T. de Santurce2 , en Vizcaya, que tien trés grupos que sumen una potencia total 936 MW y ta en serviciu dende 1967
  • C. T. de Castellón, en Castellón de la Panda, con un únicu grupu de 540 MW en serviciu dende 1972 (primeramente tenía dos puro ún d'ellos nun s'atopa en serviciu dende va pocos años)
  • C. T. de Escombreras, en Murcia, con dos grupos de 290 MW que s'atopen en serviciu dende 1966 y 1968 respectivamente (llegó a cuntar con cinco grupos, de los cual, el primeru de los trés restantes, que sumaben 280 MW, foi puestu en serviciu en 1956 y los otros dos en 1957)
  • C. T. de Aceca, en Toledo, de titularidá compartida al 50% con Unión Fenosa y que los sos dos grupos de 315 MW fueron puestos en serviciu en 1969 y 1970 respectivamente

Estes centrales utilicen fueloil como combustible principal y gasoil como secundariu (principalmente mientres l'arranque), sacante la de Santurce y el grupu I de Aceca, que la so instalación de gasoil ta inutilizada porque los sos dos grupos puen ser alimentaos con gas natural. Per otra parte, Iberdrola tamién ye propietaria de trés centrales más de ciclu convencional qu'utilicen carbón como fonte principal d'enerxía (anque almiten fueloil y gasoil). Son les de:

  • C. T. de Velilla, en Velilla del Río Carrión (Palencia), que tien dos grupos de 148 y 350 MW en funcionamientu dende 1964 y 1984 respectivamente
  • C. T. de Lada, en Llangréu (Asturies), que llegó a cuntar con 4 grupos anque na actualidá namá tien unu de 155 y otru de 350 MW puestos en funcionamientu en 1967 y 1981 respectivamente
  • C. T. de Pasaia, en Pasaia (Gipuzkoa) con un únicu grupu de 214 MW puestu en funcionamientu en 1967

Nel momentu de constitución d'Iberdrola, Iberduero cuntaba cola titularidá de les centrales de Santurtzi, Pasaia y Velilla del Río Carrión (que fuera puesta en marcha baxu la denominación de Térmiques del Norte, Terminor, y que compartía titularidá con Electra de Viesgo que la so participación foi mercada por Iberduero en 1984). Amás, cuntaba tamién ente los sos activos cola Central Térmica de Burceña, allugada erroneamente en dellos documentos en Bilbao3 pero realmente asitiada na localidá límitrofe de Barakaldo, construyida en 1905 pero inactiva dende 1985. En febreru de 2002, Iberdrola solicitó al Ministeriu d'Economía'l zarru d'esta central, que foi concedíu n'agostu del mesmu añu.Pela so parte, Hidroeléctrica Española cuntaba cola titularidá de les centrales de Escombreras, Castellón, Lada (qu'adquiriera en 1981 a la Compañía eléctrica Llangréu, aniciada n'Asturies y propietaria tamién d'un terciu de la Central térmica de Soto de Ribera) y Aceca, que la so titularidá compartía con Unión Fenosa.Iberdrola tien amás centrales hidroeléctricas especialmente na cuenca del Douru y nos Pirineos (apurríes por Iberduero) y les cuenques de los ríos Tajo, Segura, etc. (apurríes por Hidroeléctrica Española).

Centrales térmiques de ciclu combinado

Su filial d'inxeniería Iberinco construyó les sos centrales de ciclu combináu, que yeren:

  • C. T. de Castejón 2, en Castejón (Navarra), con 386 MW.
  • C. T. de Castelló, en Castelló, dos grupos con 1650 MW en total.
  • C. T. de Santurtzi, en Santurtzi (Bizkaia), con 402 MW.
  • C. T. Tarragona Power, en Tarragona, con 424 MW
  • C. T. d'Arcos de la Frontera, n'Arcos de la Frontera (Cádiz), dos grupos con 1.613 MW.
  • C. T. Badea de Bizkaia, en Zierbena (Bizkaia), compartida con otros trés operadores (EVE, Repsol y BP al 25% caúnu), de 780 MW.
  • C. T. de Aceca, en Villaseca de la Sagra (Toledo), de 391 MW.
  • C. T. de Escombreras, en Cartagena (Murcia), con 831 MW.Recibió, amás, llicencia pa la construcción de diez centrales más d'esti tipu.

Enerxíes Anovables[editar | editar la fonte]

La so filial nomada Iberdrola Enerxíes Anovables, S.A.O. con see en València (Paséu de l'Alamea), que cotiza en bolsa , dispon d'una cartera de proyectos en tol mundu que s'alza fasta los 43.280 MW. Nel 2008 algamó una capacidá de 8.164 MW,4 de los cual 7.822 MW correspuenden a parques eólicos y 342 MW a centrales minihidráulicas .La so presencia nel estranxeru traduzse en 3.483 MW eólicos, de los que 2.392 MW allúguense n'Estaos Xuníos y 428 MW en Reinu Xuníu y los restantes 663 MW asítiense fundamentalmente n'Europa, onde destaca l'aportación de Grecia -217 MW-; Francia -154 MW-; Polonia -123 MW-; Alemaña -63 MW- y Portugal -56 MW-.

Conseyu d'Alministración[editar | editar la fonte]

Componen el Conseyu d'Alministración 14 homes y 1 muyer:

  • Xosé Ignacio Sánchez Galán (Presidente y Conseyeru Delegáu). Participación: 0,0038%
  • Xuan Luis Arregui Ciarsolo (Vicepresidente). Participación 2,083%
  • Víctor de Urrutia Vallina (Vicepresidente). Participación 0,153%
  • Xosé Orbegozo Regueru (Vocal). Participación 0,040%
  • Lucas María de Oriol López-Montenegro (Vocal). Participación 0,003%
  • Ricardo Álvarez Isasi (Vocal). Participación 0,090%
  • Xosé Ignacio Berroeta Echevarria (Vocal). Participación 0,003%
  • Xulio de Miguel Aynat (Vocal). Participación 0,004%
  • Sebastián Battaner Arias (Vocal). Participación 0,001%
  • Xabier de Irala Estévez (Vocal). Participación 0,003%
  • Iñigo Víctor de Oriol Ibarra (Vocal). Participación 0,000%
  • Inés Machu Stadler (Vocal). Participación 0,001%*
  • Braulio Medel Cámara (Vocal). Participación 0,001%
  • Nicolás Osuna García (Vocal). Participación 1,237%
  • Xosé Luis Olivas Martínez (Vocal). Participación 0,000000001%