Endesa

De Wikipedia
Endesa
Endesa, S.A. (es)
empresa, empresa de capital abiertu y empresa de electricidad (es) Traducir
Llocalización
Sede Madrid
Direición España
Forma xurídica sociedad anónima
Historia
Fundación1944
Fundador Institutu Nacional d'Industria
Organigrama
Dueñu Enel
Sector
Industria suministro de energía (es) Traducir
Participación empresarial
Organización matriz Enel
Datos económicos
Bolsa de valores Ibex 35
Parte de OTC Markets Group (es) Traducir ELEZF
Emplegaos 1244
Web oficial
Cambiar los datos en Wikidata

Endesa, S.A. ye una empresa española del sector llétricu, gasísticu y d'agües, fundada'l 18 de payares de 1938 baxu'l nome d'Empresa Nacional de Lletrecidá, S.A. Ye una subsidiaria de la empresa italiana Enel.

Compostilla I foi la so primer planta de producción, inaugurada a entamos de los años 50 en Ponferrada. Na década de los 60 creóse Compostilla II, nel conceyu de Cubillos del Sil (Lleón).

Cotiza en bolsa col identificador ELE. Ye la segunda empresa llétrica n'España y forma parte del Ibex 35. Los sos principales accionistes yeren (avientu de 2007): ENEL 67% Acciona 25% Fora d'España, la llétrica opera n'Italia, Francia, Portugal, Marruecos, Chile, Arxentina, Colombia, Perú, Brasil y República Dominicana.

Les actuaciones d'Endesa de cutiu fueron revesoses por cunta de los sos impautos ambientales, como nel casu de la presa del ríu Bio-Bío o les crítiques a l'esfaimientu de la Patagonia chilena.

Historia[editar | editar la fonte]

Su capital tuvo en manes del Estáu hasta qu'en 1988 arrincó'l so procesu de privatización con una Ufierta Pública de Venta (OPV) del 25 por cientu de les sos aiciones. Este mesmu añu la compañía cotiza na Bolsa de Nueva York per primer vegada. Nel 1994 vendióse un segundu paquete y dos años dempués foi tresferida a la Sociedá Estatal de Participaciones Industriales (SEPI, la heredera del antiguu INI), qu'encetó la última fase de la privatización con dos nueves OPV, nel 1997 y 1998, respeutivamente, pasando a ser una de les múltiples empreses privaes con capital públicu n'España. Esti últimu pasu corresponderíase cola directiva europea qu'establecía pal añu 2000 que tolos miembros de la XE teníen de tener a lo menos un 30% del so mercáu liberalizado. Ye entós cuando sume la Empresa Nacional de Lletrecidá como Sociedá Estatal y pasa a ser d'una corporación semiestatal a una empresa privada col simple nome d'Endesa.

Dende 1983, la compañía esperimentó una importante medría pente medies de l'absorción de competidores más pequeños, como Enher, Gesa, Unelco y Encasur (definitivamente absorbíes nel 1988) y Erz, Fecsa y Compañía Sevillana de Lletricidá (1996)2 y diversificó la so actividá escontra sectores como les telecomunicaciones y les nueves teunoloxíes. Sicasí, en xunetu de 2005, abandonó la so actividá nel sector de les telecomunicaciones -consideráu non estratéxicu-, tres la venta de la so filial chilena de telefonía móvil, Smartcom, a la operadora mexicana América Móvil, y la venta de la mayoría de la so participación nel grupu Aúne. Coles mesmes, foi unificando baxu una sola marca les empreses pente medies de les qu'emprestaba los sos servicios nes distintes rexones d'España.

Tres les desinversiones nel sector de les telecomunicaciones, Endesa estremó les sos actividaes en dos grandes árees de negociu: enerxía -onde s'arrexunten los activos llétricos, los rellacionaos col gas, cogeneración, enerxíes anovables, mediu ambiente y agua- y tresmisión de voz y datos al traviés de la inda incipiente teunoloxía Power Line Communications (PLC).

En setiembre de 2005 foi oxetu d'una OPA contraria per parte de Gas Natural, qu'amenó gran discutiniu políticu y empresarial. El 3 de febreru de 2006 el gobiernu español aprueba la OPA con delles condiciones, por entender que nun plantega problemes de competencia y que va favorecer la posición española nel sector de la enerxía.

El 21 de febreru Endesa recibe una contra-OPA, esta vegada amistosa, de E.ON, una importante empresa alemana del sector enerxéticu. A diferencia de la otra OPA, la empresa alemana asegura que nun va haber espedientes de regulación y sigo que va haber inversiones nel sector llétricu español. El día 22, la empresa italiana ENEL ufiertóse a ayudar a Gas Natural si decidía rellanzar la so OPA. Finalmente, en febreru de 2009, Enel adquirió por 11.107 millones de € el 25% de les aiciones d'Endesa, que taben en manes de la constructora Acciona, y fíxose col control total de la compañía.

Referencies[editar | editar la fonte]

Enllaces esternos[editar | editar la fonte]