Iñaki Gabilondo

De Uiquipedia
Saltar a: navegación, buscar

Iñaki Gabilondo (San Sebastián, 19 d'ochobre de 1942), periodista y locutor de radiu y televisión guipuzcoanu. Ye ún de los profesionales de la comunicación más reconocíu y más polémicos n'España.

Biografía profesional[editar | editar la fonte]

Llicenciáu en Periodismu pola Universidá de Navarra, Iñaki Gabilondo anició la su carrera nel mundu de la radiu con 21 años; en 1963 en Radio Popular (COPE) en San Sebastián, de la que foi direutor con 27 años, y en 1969 pasó a dirixir Radio San Sebastián de la cadena SER. Dos años más tarde, foi nomáu direutor de la Cadena SER en Sevilla, lo que-y llevó al puestu de direutor d'informativos.

Siete años dempués, en 1978 incorporóse a los servicios informativos de la Cadena SER en Madrid pa dirixir Hora 25 y en 1980 foi nomáu direutor de los Servicios Informativos de la Cadena. Al pocu foi nomáu direutor d'informativos de la cadena estatal de televisión TVE, y tocó-y estrenase n'antena col golpe d'estáu del 23 de febreru de 1981, 23-F, na investidura del que fuera presidente d'España Leopoldo Calvo Sotelo, una situación escepcional que forzó la su primer apaición pente les cámeres de televisión y que-y obligó a asumir la responsabilidá de presentar durante un mes el Telediario de la nueche. Les tensiones polítices finaron cola su marcha de TVE y la del direutor xeneral. Tres del su paso pola televisión pública, foi direutor xeneral de Radio Televisión 16. Abandonó en 1983 el su cargu en Radio 16 pa volver a la SER, donde sucesivamente fuera direutor y presentador d'Aquí la SER, Matinal SER, Pido la Palabra y Onda Media.

El 22 de setiembre de 1986, entamó'l que fuera el programa más importante de la su carrera profesional: Hoy por Hoy, que llegó a ser ún de los programas más escuitaos de tola hestoria de la radiu española. Dende entós, Gabilondo fixera amás dellos programes na televisión: En familia (TVE, 1987 a 1989), Iñaki, los jueves, Gente de primera o Entrevista con. Amás fizo en 1996, les entrevistes en Tele 5 del informativu de Luis Mariñas.

En 2005 espublizó'l llibru Testigo de la Historia, esbilla de les sus entrevistes a personaxes públicos.

El 30 d'agostu de 2005 la Cadena SER anunció la marcha d'Iñaki Gabilondo del programa Hoy por Hoy pa presentar l'informativu de nueche del canal de televisión Cuatro, del grupu Sogecable (nel qu'intégrase la SER), y que dende payares susitui al canal de pagu analóxicu del mesmu grupu Canal+. Al frente del magazín de radiu Hoy por hoy, quedó'l periodista catalán Carles Francino

Premios[editar | editar la fonte]

Ye Colexiáu d'Honor del Colexu de Periodistes de Cataluña, y recibiera los premios Clara Campoamor y Meridiana pol su llabor en favor de l'igualda ente homes y muyeres. Amás recibiera: