Sogecable

De Uiquipedia
Saltar a: navegación, buscar

Sogecable ye un grupu llíder de la televisión de pagu n'España, fundáu en 1989. Foi'l pioneru na introdución de sistemes interactivos y principalmente de la Televisión Dixital n'España. El so llabor consiste en xestionar y adquirir derechos audiovisuales, asina como la distribución y produción de canales y xestión d'abonaos. Otres de les sos actividaes más importantes son la producción, distribución y exhibición cinematográfica.

El so procesu de reestructuración comenzó n'ochobre de 2003 y finalizó n'avientu de 2004, cola integración de Vía Dixital. Pretendíen asina redimensionar y reordenar les sos actividaes de Sogecable absorbiendo los compromisos con canales temátiques, proveedores con derechos audiovisuales y otros servicios. Con esta reestructuración contribuyó al relanzamientu audiovisual n'España.

La productora de Sogecable ye Sogecine. Ye una de las principales distribuidores y productores nel territoriu español, con especial importancia n'estos momentos (añu 2008), tal que se vive una profunda crisis n'esta industria.

Les instalaciones de Sogecable alcuéntrense en Tres Cantos, produciendo a diariu 23 canales de televisión, incluyendo les nueve versiones de Canal+ y otres 14 canales que tan especializaes na emisión de diverses materies n'exclusiva, como deportes, cine, documentales, infantil, música. Estes emítense y son distribuyíes al traviés de Digital+, cable y ADSL.

En 2005, el grupu llanza una nueva canal de televisión n'abiertu y con carácter xeneralista y gratuitu; el quintu n'España. El so nome ye Cuatro y ocupa la frecuencia que dexó Canal+ cuando pasó a formar parte únicamente de la emisión de Dixital+ el 7 de payares de 2005.

En 2006 Prisa llanzó una Ufierta Pública d'Adquisición sobre un 20% de les acciones de Sogecable p'aumentar la so participación hasta casi un 50%. D'esta forma, Prisa controla dafechu Sogecable.

En 2007 PRISA alcanza la mayoría absoluta en Sogecable, col 50,03% y llanza una OPA obligatoria pol 100% de la compañía.

Ver tamién[editar | editar la fonte]

Enllaces esternos[editar | editar la fonte]