Humanismu

De Uiquipedia
Saltar a: navegación, buscar
Wikipedia:Llista d'artículos que toa Wikipedia tien que tener
Esti artículu fala del movimientu cultural de recuperación de la cultura clásica amestáu al Renacimientu.
Pa otros usos d'esti términu, ver Humanismu (dixebra). Disambig.svg

L'humanista Lorenzo Valla

L'humanismu ye un movimientu intelectual, filosóficu y cultural européu estrechamente arrayáu al Renacimientu que'l so orixe asitióse nel sieglu XIV na península Itálica (especialmente en Florencia, Roma y Venecia) en personalidaes como Dante Alighieri, Francesco Petrarca y Giovanni Boccaccio. Busquen l'Antigüedá Clásica y retoma l'antiguu humanismu griegu del sieglu d'oru y caltién la so hexemonía en bona parte d'Europa hasta fines del sieglu XVI, cuando se foi tresformando y diversificando a mercé de los cambeos espirituales provocaos pola evolución social ya ideolóxica d'Europa, fundamentalmente al coludir colos principios defendíos poles reformes (luterana, calvinista, anglicana.), la Contrarreforma católica, la Ilustración y la Revolución francesa del sieglu XVIII. El movimientu, fundamentalmente ideolóxicu, tuvo asina mesmu una estética impresa paralela, plasmada, por exemplu, en nueves formes de lletra, como la redonda conocida como Lletra humanística, evolución de les lletres Fraktur tardogótiques desenvuelta na redolada de los humanistes florentinos como Poggio Bracciolini y de la cancillería papal en Roma, que vieno sustituyir por aciu la imprenta a la lletra gótica medieval.