Howard Gardner

De Uiquipedia
Saltar a: navegación, buscar

Howard Gardner (Scranton, Estaos Xuníos, 11 de xunetu 1943) ye un psicólogu, investigador y profesor de la Universidá de Harvard, conocíu nel ámbitu científicu poles sos investigaciones nel análisis de les capacidaes cognitives y por formular la teoría de les intelixencies múltiples.

Biografía[editar | editar la fonte]

Howard nació en Scranton, Pensilvania en 1943, poco depués que la so familia emigrase d'Alemaña a Estaos Xuníos, fuxendo del réxime nazi. Ye conocíu nel ambiente de la educación pola so teoría de les intelixencies múltiples, sofitada en que cada persona tien, polo menos, ocho intelixencies o habilidaes cognoscitives (musical, cinético-corporal, lóxico-matemática, llingüística, espacial, interpersonal, intrapersonal y naturista). Estudió na Universidá de Harvard, onde s'orientó hacia la psicoloxía y la neuropsicoloxía. Les sos llinies d'investigación centráronse nel análisis de les capacidaes cognitives en menores y adultos, a partir de la que se formuló la teoría de les 'intelieencias múltiples' (Frames of Mind, 1983). Foi investigador de la Universidá de Harvard y depués d'años d'estudiu punxo en xaque tol sistema d'educación escolar en EE. XX..

Gardner ye codirector del Proyectu Zero na Escuela Superior d'Educación de Harvard, onde arriendes d'ello ye profesor d'educación y de psicoloxía, y tamién profesor de Neuroloxía na Facultá de Medicina de la Universidá de Boston.

En 1983 presentó la so teoría nel llibru Frames of Mind: The Theory of Multiple Intelligences y, en 1990, foi'l primer estauunidense que recibió'l Premiu d'Educación Grawmeyer de la Universidá de Louisville. Nél, critica la idea de la existencia d'una sola intelixencia, a través de les pruebes psicométriques.

Ta en posesión d'una ventena de distinciones ‘honoris causa’ por universidades como les de Camilo José Cela, Tel Aviv, Princeton, McGill, etc. El xuráu de la Fundación Príncipe d'Asturies dio-y el Premiu Príncipe d'Asturies de Ciencies Sociales