Guglielmo Marconi

De Uiquipedia
Saltar a: navegación, buscar
Uiquipedia:Llista d'artículos que toa Wikipedia tien que tener
Guglielmo Marconi

Guglielmo Marconi, (Bolonia, 25 d'abril de 1874 - † Roma, 20 de xunetu de 1937). inxenieru llétricu italianu galardonáu col Premiu Nobel de Física en 1909, conocíu pol desenvolvimientu d'un sistema telegráficu. Marconi foi presidente de l'Academia d'Italia y un defensor del fascismu.

Segundu fíu de Giuseppe Marconi, cacique italianu, y la so muyer d'orixe irlandés, Annie Jameson, Guglielmo Marconi estudia na Universidá de Bolonia, au desendolca los primeros experimentos sobro l'usu d'ondes electromagnétiques pa la comunicación telegráfica. En 1896 los resultaos d'estos experimentos foron aplicaos nel Reinu Xuníu, ente Penarth y Weston, y en 1898 nel arsenal naval italianu de La Spezia. A pitición del gobiernu de Francia, en 1899 fai una demostración práutica de los sos descubrimientos, afitando comunicaciones inalámbriques tres del canal de la Mancha, ente Dover y Wimereux.

El 2 de xunetu de 1897 Marconi va algamar la patente de la radio.

El valor de la radio na guerra va amosase por primer vegada durante la Guerra Italo-Turca de 1911. Cola entrada d'Italia na Primera Guerra Mundial en 1915, foi designáu como responsable de les comunicaciones inalámbriques pa toles fuercies armaes.

Va algamar, en 1909, el premiu Nobel de Física, que comparte con Karl Ferdinand Braun. Foi nomáu miembru vitaliciu del Senáu italianu en 1918 y en 1929 recibió'l títulu de marqués.

Enllaces esternos[editar | editar la fonte]