Greg

De Uiquipedia
Saltar a: navegación, buscar
Gtk-find-and-replace.svg
Esti artículu necesita una revisión por un correutor qu'ha d'ameyorar la so ortografía, la so gramática, la so sintaxis o'l so vocabulariu. Tamién, iguar les referencies o semeyes o con enllaces francíos.
(ver la llista completa d'artículos pa correxir)


Greg, de nome verdaderu Michel Regnier, (5 de mayu de1931 en Ixelles, 29 d'ochobre de 1999) ye un dibuxantes, guionista y director lliterariu de cómic belxicanu.

Vivió na localidá belxicana de Herstal, cerca de Liège. Greg imprime la so primera revista, Le Journal de Nouny, en 1943. Greg muerre en 1999, dexando una obra monumental, considerada como una de les más importantes y de les más innovadores de la historia del cómic. Ye conocíu sobre manera pol so personaxe Achille Talon (que la Editorial Bruguera sacó n'España col nome d'Aquiles Talón).

A los 16 años yá publicó Les aventures de Nestor et Boniface nel diariu belxicanu Vers l'Avenir. Más sero entró en Héroic Albums y, ente 1953 y 1956 fizo Le Chat baxo'l nomatu de Michel Denys

Reanudación de series existentes[editar | editar la fonte]

Greg ye capaz d'adaptase a diferentes estilos y destaca cuando se trata d'escribir guiones pa series existentes.

Spirou et Fantasio[editar | editar la fonte]

Entre 1960 y 1966, Greg escribe guiones pa la serie Spirou, dibuxada por Franquin: Le Voyageur du Mésozoïque (1960), le prisonnier du Bouddha (1960), Z comme Zorglub (1961), L'Ombre du Z, (1962), Tembo Tabou (1964) y QRN sur Bretzelburg (1966), que se convierte nun álbum de cultu de la serie.

Ye bien difícil estremar l'aportación de Greg nesos álbumes puesto que Franquin yera conocíu por modificar completamente la trama establecida por los sos guionistes.

Modeste et Pompon[editar | editar la fonte]

Igualmente con Franquin, Greg escribe gags de Modeste et Pompon, hacia'l final de los años cincuenta.

Les Aventures de Tintín[editar | editar la fonte]

En 1958, un Hergé, autor de Les Aventures de Tintín, baxu d'inspiración, pide a Greg concevir un proyectu d'aventura pa la so famosa serie. Greg trabaya con Hergé sobre dos proyectos, Les Pilules y Tintin et le Thermozéro. Los dos siguen el modelu d'una persecución desenfrenada a la gueta d'un obxetu bien codiciáu, a saber, píldores radiactives nel primer proyectu, y una bomba de nuevu tipu nel segundu. Greg fai un trabayu importante, como ye habitual n'él adopta perfechamente l'estilu de la serie y consigue escribir un guión de Tintín apasionante, prestosu y dignu de los meyores guiones hergeanos. Pue ser eso lo que provoca n'Hergé que finalmente interrumpe'l proyectu. Más sero, Hergé declara a Benoît Peeters (en "Le Monde d'Hergé') : "Prové trabayjar con Greg que me compuso un buen guión, pero un guión que nun utilicé enxamás, porque me sentía prisioneru con dellos pilancos polo que nun podía más que dexalu escapar".

En 1972, Greg, visiblemente menos inspiráu, escribe un guión, abondo decepcionante, pa un dibuxu animáu de Tintín (Tintin et le lac aux requins), igualmente adaptada en cómic pol Studio Hergé.

Greg, ensin embargo ye bien apreciáu polos collaboradores d'Hergé puesto que, en 1983, cuando Hergé muertu dexara un proyectu d'álbum inacabáu (Tintin et l'Alph-Art), el so más próximu collaborador, Bob De Moor, intenta acabar el proyectu en compañía de Greg que terminaría'l guión. De Moor tópase cola refuga de Fanny Remi, viuda d'Hergé, que, depués d'avalar primeramente'l proyectu, foi convencida por Benoit Peeters pa dar marcha atrás.

The Love Boat[editar | editar la fonte]

Nos Estaos Xuníos, Greg escribe igualmente dellos guiones pa la serie televisiva The Love Boat (que foi pasada n'España col títulu Vacaciones en el mar). Regresó a Francia a mediaos de los años ochenta, faciendo los guiones de los primeros episodios del Marsupilami que dibuxaríen Batem y Franquin.

Creaciones Personales[editar | editar la fonte]

Bien prolíficu, Greg crea tamién munches otres series.

Ente les qu'algamaron mayor sonadía podemos citar dos series feches col dibuxante Hermann (Comanche y Bernard Prince), una serie de ciencia ficción (Luc Orient), otra que narra les aventures d'axentes secretos (Bruno Brazil, col dibuxante William Vance), una serie fantástica d'una gran poesía (Olivier Rameau, col dibuxante Dany ), etc.

Pero la so creación más reseñable ye Achille Talon, creada en payares de sa 1963 pal magazine Pilote.

Achille Talon ye reconocíu poles cualidaes del so diálogu brillante y finu, que pasen de lo cómico a lo realista ensin ningún pilancu, llenu d'alusiones culturales y xuegos de palabres intelixentes, que-y valen pa figurar en páxines enteres nos manuales escolares, y facelu obxetu de delles tesis doctorales. Si enxamás recibió'l Gran Premiu del Festival d'Angoulême, viose consagráu en xineru de 1999 pola esposición retrospectiva "ABCDEF GREG... !", entamada por Dominique Poncet y Benoît Mouchart. Con esti últimu, Greg asoleyó'l mesmu añu un recopilatoriu d'entrevistes de les ediciones Dargaud: "Michel Greg, Dialogues sans bulles".

Nos años 90, asoleya un recopilatoriu d'aforismos, "Il pense donc je suis", en dalgún sitiu ente Oscar Wilde y Sacha Guitry.

Llegó a facer más de 250 álbumes como dibuxante y/o guionista, algamando un llugar importante dientro de la historia del cómic franco-belxicanu.

Les sos series[editar | editar la fonte]

  • Achille Talon
  • Alice au pays des merveilles
  • Les As
  • Babiole et Zou
  • Bernard Prince
  • Les Bolides d'argent
  • Bruno Brazil
  • Chick Bill
  • Chlorophylle (Lombard)
  • Clifton
  • Le Club des peur-de-rien
  • Cobalt
  • Colby
  • Comanche
  • Constant souci
  • Corentin
  • Domino
  • L'Etoffe d'un crack
  • Flamme d'Argent
  • Frère Boudin
  • Go West
  • Jo Nuage et Kay Mac Cloud
  • Johnny Congo
  • Line
  • Luc Orient
  • Marsupilami
  • Modeste et Pompon
  • Mouminet et Alphonse
  • Les Naufragés d'Arroyoka
  • Olivier Rameau
  • Les Panthères
  • Pic et Nic
  • Prudence Petitpas
  • Rock Derby
  • Spaghetti
  • Spirou et Fantasio
  • Tommy Banco
  • Zig et Puce