Gaspar Llamazares

De Uiquipedia
Saltar a: navegación, buscar
Gaspar Llamazares nun mítin del PCA

Gaspar Llamazares Trigo (28 de payares de 1957) ye un políticu español nacíu en Logroño (La Rioxa). Foi Coordinador Xeneral d'IU fasta'l 14 d'avientu de 2008, siendo sucedíu por Cayo Lara.

Segundu d'una familia de seis hermanos, pasó la so infancia y mocedá en Salinas (Castrillón). Estudió nes Facultaes de Medecina de la Universidá Autónoma de Madrid y d'Uviéu, u finó los estudios. Ellí fundó la revista "Bocetos", completando los estudios con un Máster de Salú Pública na Univerdá de L'Habana. En 1985 convirtióse en docente na Universidá de Santiago de Compostela.

Entamó la so actividá política nel PCA en 1981, na Agrupación de Castrillón y na Comisión de Salud del Comité Central. En 1988 foi elexíu Secretariu Xeneral y Coordinador Xeneral d'Izquierda Unida n'Asturies, venciendo al sector dirixíu por Gerardo Iglesias. En 1991 entró como diputáu en la Xunta Xeneral del Principáu d'Asturies, siendo portavoz del grupu parllamentariu d'Izquierda Unida y continuó una collaboración caltenida hasta entós colos sucesivos gobiernos socialistes de la rexón. En 1995 foi unu de los protagonistes de la polémica ruptura col Partido Socialista Obrero Español, que llevó al Partido Popular al gobiernu d'Asturies. Anguaño ye diputáu nel Congresu por Asturies.

En 2007, mediante la convocatoria d'unes primaries, foi proclamáu candidatu d'IU pa les elecciones xenerales de marzu de 2008. Depués de los malos resultaos d'Izquierda Xunida en diches elecciones, nes qu'IU perdió trés de los cinco diputados que tenía, nel peor resultáu electoral de la coalición, anunció la retirada como coordinador xeneral d'Izquierda Unida (al que llegará nel añu 2000 en sustitución de Julio Anguita), ensin abandonar el so escañu como diputáu, achacando esti mal resultáu al bipartidismu y al sistema electoral, al que calificó d'inxustu.[1]

Nes elecciones xenerales del añu 2011, Gaspar Llamazares presentóse como candidatu al Congresu de los Diputaos n'Asturies, algamando l'acta qu'Izquierda Xunida perdiera nel añu 2004.


Predecesor:
Julio Anguita

Coordinador Xeneral d'U

20002008
Socesor:
Cayo Lara
Predecesor:
Francisco Frutos

Portavoz d'IU nel Congresu de los Diputaos d'España

20002011
Socesor:
Nel cargu

Notes[editar | editar la fonte]