Fruela I

De Uiquipedia
Saltar a: navegación, buscar

Fruela I, el Cruel, (722 - 768 Cangues d'Onís), rei d'Asturies. Ye'l primer "rex" fasta entós se denomaben "princeps". El título de "rex" entama a aplicase nesta dómina nun documentu de 759.

El so reináu presenta aspeutos de gran interés tanto pola proyeición esterna del Reinu d'Asturies como pol desendolque internu del reinu. Con problemes qu'evidencien una crisis de madurez del nucleu. Cangues choca col independentismu de les ales occidental y oriental del nucleu.

El Problema independentista[editar | editar la fonte]

Nel reináu de Fruela fai actu de presencia dalgo que va ser un costante nel Reinu d'Asturies: los movimientos independentistes. Na so dómina, Fruela, tuvo que lluchar escontra les rebeliones de los vascones y los nobles gallegos nel añu 766.

Términu "Vascón"[editar | editar la fonte]

El terminu "vascón" nesta dómina y qu'apaez nes cróniques hai que ver el sentíu que tien: Ye un términu xenéricu que s'aplica polos cronistes a los pueblos que viven al este, dientro los cualos hai grupos diversos con dixebraos niveles de desenrrollu cultural. Les cróniques paez que se refieren a los habitantes d'Álava y Vizcaya.

Polémica historiográfica[editar | editar la fonte]

Díscutese sobro si yá taben conquistaos o non estos pueblos y el carauter de les rebeliones. Besga Marroquín opina que yá taben incorporaos al Reinu y por eso se rebelen. Otros que seríen actividaes de resistencia a la conquista asturiana. Ye dificil saber lo que pasó. Nun ta claro lo que dicen les cróniques pero dan a entender qu'estos pueblos yá taben conquistaos.

Sometimientu[editar | editar la fonte]

Sometimientu del Norte de Galicia fasta'l Ríu Miño. Aliances cola aristocracia y los poderes llocales. A los vascones sométese-yos por llazos más o menso sólidos a l'autoridá de la monarquía con alliances por via familiar y Fruela cásase con Munia.

Revuelta palatina[editar | editar la fonte]

Dícenmos les cróniques que Fruela tevo que facer frente a una revuelta palationa na que intervién el so hermanu Vimarano al que dio muerte. Estes lluches revelen que'l poder de los reis nun taba del too consolidáu.

Reformes[editar | editar la fonte]

Fizo reformes nel cleru, prohibiéndo-yos casase y obligándo-yos a dexar les muyeres a los que tuvieren.

Fundaciones rexies[editar | editar la fonte]

N'Uviéu llevantó una costrucción eclesiastica que sedría'l precedente de la Ilesia de San Salvador. De magar esta construcción crearase un nucléu pre urbanu de lo que sedría la Regia Sedes. Fruelatá enterráu xunto cola so muyer, l'alavesa Munia n'Uviéu.

Fin del reináu de Fruela[editar | editar la fonte]

Morría víctima d'una conxura palatina. La nobleza retiro-y l'enfotu y matolu en Cangues. Dexaba a un fíu: Alfonso qu'años más tarde sedría Alfonso II que nun lu sucede como rei. Apártenlu del tronu pola so corta edá y por decisión de la fación aristocrática que dió muerte a so pá. Aurelio sedrá l'elexíu. Aurelio ye fíu de Fruela (primu de Fruela I), esti Fruela ye l'hermanu d'Alfonso I(pá de Fruela I).


Emblema del Reino de Asturias.svg Reinu d'Asturies (718-925)
Predecesor:
Alfonso I
Rei d'Asturies
757 - 768
Socesor:
Aurelio



Ver tamién[editar | editar la fonte]