Frank Herbert

De Wikipedia
Saltar a: navegación, buscar

Frank Herbert (Tacoma, Washington 8 d'ochobre de 1920 - Hawaii 11 de febreru de 1986), ye ún de los más afamaos escritores de ciencia ficción de la lliteratura universal, allugáu no cimero del xéneru por mor de la sexaloxía de Dune. Estudió periodismu na universidá de Whasington y dempués d'acabar la so carrera dedicose a estremaos trabayos dende fotógrafu a pescador d'ostres. En pasando a la infancia dedicose a la escritura, emprincipió ceo, a la edá d'ocho años; asina na mocedá yá escribía rellatos curtios pa les revistes estaunidenses. Pero nun ye hasta 1952 cuando escomienza a conocese'l so nome col asoleyamientu na revista Starling Stories del cuentu Looking for somethig? (¿Busca daqué?) Anque en 1956 apaeció la so primer novela nun ye hasta 1965 cuando Frank Herbert sedría conocida en tol mundu al traviés de la so obra Dune, que per primer vegada amosaba la ecoloxía completa y l'adautación de los humanos a ella, n'estremaes sociedaes, nun planeta del futuru; yera ensin dulda l'aniciu na Ciencia Ficción de la presencia de la Ecoloxía como deus ex macchina esencial d'una obra. El so ésitu foi talu que consiguió los principales premios del xéneru, el premiu Hugo, el premiu Nébula y el premiu Internacional de Fantasía. Decatámonos de la importancia de Dune si reparamos en qu'esti postreru premiu compartiolu cola magnífica obra El Señor de les Mosques del nobel William Golding. Foi defensor acérrime de la ecoloxía y de la importancia de respetala, hasta'l puntu de que mercó una gran propiedá na península Olympic de Washington u entamó una reserva autosuficiente pa los sos habitantes. Años más llueu fixaría la so residencia en Hawaii. Hasta la muerte de la so muyer continuó escribiendo hasta completar les seis partes de Dune, la final de la vida de la so acompañante fixo que dexare d'escribir dexando d'heriede una de les cuatro grandes sagues de la ciencia ficción xunto a Foundation, Hyperion Cantos y Ender's Game.

Dune[editar | editar la fonte]

Anque anguaño'l so fíu continúa la saga, realmente la saga clásica, y poro la que davezu se considera como tala; y que significa la obra maestra del escritor ta compuesta polos siguientes llibros:

  • Dune (1965)
  • Dune Messiah (1969)
  • Children of Dune (1976)
  • God Emperor of Dune (1981)
  • Heretics of Dune (1984)
  • Chapterhouse: Dune (1985)