Finlandés

De Uiquipedia
Saltar a: navegación, buscar
Finlandés
Suomi
Zona Europa
Falantes

• Nativos:
• Otros:

5 000 000

• 4 700 000
• 300 000

Familia llingües uráliques

 fino-ugries
  fino-mordvines
    Idioma finlandés

Alfabetu Alfabetu llatinu
Estatus oficial
Oficial en Bandera de Finlandia Finlandia

(cooficial con otra llingua en Plantía:Xeodatos UE
)

Regulao por Instituti d'estudios de llingües de Finlandia
Códigos
ISO 639-1 fi
ISO 639-2 fin
ISO 639-3 fin
250px
Estensión del finlandés

El finlandés (suomi) o idioma finlandés (suomen kieli) ye la llingua oficial, xunto con el suecu, en Finlandia. Ye falao por algo mes de 5 millones de persones y ye la llingua materna del 91,9 por cientu de la población finlandesa (2004). Igualmente, ye falao por mediu millón de persones en Suecia, Noruega, Estonia y otres, asina como n'Estaos Xuníos, Canadá y Australia, que tien importantes bolses d'inmigración d'orixe finlandés.

Fonoloxía y escritura[editar | editar la fonte]

Característiques fonolóxiques xenerales[editar | editar la fonte]

El sistema fonolóxicu del finlandés tien ocho fonemes vocálicos: /ɑ/, /e/, /i/, /o/, /u/, /y/, /æ/, /ø/. El númberu de fonemes consonánticos varía de 13 a 17, según son consideraos autóctonos o non del sistema: /p/, /t/, /k/, (/b/), /d/, (/g/), /m/, /n/, (/f/), /s/, (/ŋ/), /h/, /l/, /ɾ/, /ʋ/, /j/. Nel idioma falao cultu danse toes les fonemes mencionaos, poro los que figuran entre paréntesis, pueden prestarse a variación diatópica, diastrática o diafásica, ye dicir, realizanse o nun según la procedencia xeográfica o sociocultural del falante, asina como de la situación de comunicación, o sea mayor o menor grau de formalidá de la fala. El mesmu falante que domina varios rexistros de la llingua, pue neutralizar, por exemplu, el rasgu de sonoridá entre /b/ y /p/ nuna situación informal, pronunciando nos dos casos sólo /p/, mientres qu'en una situación formal mantie esti rasgu distintivu de sonoridá diferenciandu /b/ y /p/.

Clasificación de los fonemes vocálicos[editar | editar la fonte]

Criterios:

  1. Vocais anteriores y posteriores
  2. Tres graos d'abrimientu (mínimu, mediu y máximu)
  3. Llabialización ("redondu") o nun de los fonemes.

Descripción:

/i/ anterior, cerráu, non llabializáu

/e/ anterior, mediu, non llabializáu

/æ/ anterior, abiertu, non llabializáu

/y/ anterior, cerráu, llabializáu (pronunciáu con llabios "redondos")

/ø/ anterior, mediu, llabializáu

/u/ posterior, cerráu, llabializáu

/o/ posterior, mediu, llabializáu

/ɑ/ posterior, abiertu, non llabializáu

Clasificación dos fonemes consonánticos[editar | editar la fonte]

Oclusivos

/p/ y /b/ oclusivos llabiales, sordu y sonoru

/t/ oclusivu dental sordu

/d/ oclusivu alveolar sonoru

/k/ y /g/ oclusivos velares, sordu y sonora


Nasales

/m/ nasal llabial sonoru

/n/ nasal alveolar sonoru

/ŋ/ nasal velar sonoru


Fricativos

/f/ llabiodental sordu

/s/ alveolar sordu

/h/ gulotal sordu


Llaterales

/l/ llateral alveolar sonoru

/ɾ/ vibrante alveolar (simple)


Semivocales

/v/ llabiodental sonoru

/j/ palatal sonoro