Electrón-voltiu

De Uiquipedia
Saltar a: navegación, buscar

L'electrón-voltiu, abreviao como eV, ye una unidá d'enerxía equivalente a la enerxía cinética qu'alquier un electrón aceleráu por una diferencia de potencialde 1 voltiu nel vacíu . Talu valor obtiénse esperimentalmente, polo que nun ye una cantidá exauta. 1 eV = 1,602176462 × 10-19 J

Ye una de les unidaes aceutaes pal so usu nel Sistema Internacional d'Unidaes pero que nun pertenecen estrictamente a elli. Como l'electrón-voltiu ye una unidá mui pequeña, úsense davezu múltiplos como'l Megaelectrón-voltiu MeV o'l Xigaelectrón-voltiu GeV (ver prefixos del SI).

Dalgunos múltiplos típicos son:
1 keV = 103 eV
1 MeV = 106 eV
1 GeV = 103 MeV = 109 eV
1 TeV = 103 GeV = 106 MeV = 1012 eV

En física de partícules úsase indistintamente como unidá de masa o d'enerxía, yá qu'en relatividá entrambes magnitúes refiérense a la mesma cosa. La rellación d'Einstein E=m·c2 da llugar a la unidá de masa eV/c2.


1 eV/c2; = 1,783 × 10-36 kg
1 keV/c2; = 1,783 × 10-33 kg
1 MeV/c2; = 1,783 × 10-30 kg
1 GeV/c2; = 1,783 × 10-27 kg


Nota: La ventaya d'espresar la masa de les partícules en múltiplos del electrón-voltiu ye que, cuando falamos de la so aniquilación o del coste de producción d'éstes, el pasu d'enerxía a masa ye direutu. Ye dicir, que si se destruyó un electrón tendránse xenerao 511 keV d'enerxía yá que la masa d'esa partícula ye de 511 keV/c2, que ye un valor idénticu al de la so enerxía en reposu. Por eso, frecuentemente omítese poner c2 nes unidaes y fálase d'electrón-voltios tanto si mos referimos a masa como a enerxía.