Enerxía (física)

De Uiquipedia
Saltar a: navegación, buscar

La enerxía ye una magnitú física astracta, xunía al estáu dinámicu d'un sistema zarráu y que permanez invariable col tiempu. Tolos cuerpos, pol únicu fechu de tar ensamaos de materia, caltienen enerxía; arriendes, pue tener enerxía adicional darréu del so movimientu, de la so composición química, del so allugamientu, la so temperatura y de dalgunes otres propiedaes. Por exemplu, un sistema con enerxía cinética nula ta en reposu. La variación d'enerxía d'un sistema ye igual en magnitú al Trabayu requeríu pa llevar al sistema dende un estáu inicial al estáu autual. L'estáu inicial ye dafechamente arbitrariu.

La enerxía nun ye un ente físicu real, nin una "sustancia intanxible" sinón namái un númberu escalar que se-y da al estáu del sistema físicu, ye dicir, la enerxía ye una erbía o astraición matemática d'una propiedá de los sistemes físicos.