Edimburgu

De Uiquipedia
(Redirixío dende Edimburgo)
Saltar a: navegación, buscar
Princes Street

Edimburgu (Soníu /ˈɛdɪnb(ʌ)ɹə/ n'inglés: Edinburgh; en gaélicu escocés: Dùn Èideann), dende 1492 ye la capital y segunda ciudá más grande d'Escocia, dempués de Glasgow.

Ta allugada na mariña este de Escocia na ribera del fiordu del ríu Forth y na autoridá unitaria llocal de la Ciudá d'Edimburgu. Ye la capital d'Escocia dende 1437 y la see del gobiernu escocés. Edimburgu foi unu de los centros más importantes d'educación y cultura mientres la dómina de la Ilustración, gracies a la Universidá d'Edimburgu. Los distritos The Old Town (ciudá antigua) y The New Town (ciudá nueva), que son parte de la ciudá, fueron nomaos pola Unesco Patrimoniu de la Humanidá[1] en 1995. D'alcuerdu al censu del 2011, Edimburgu tien una población de 495,360 habitantes[2], y ye'l centru d'una zona urbana que tien aproximadamente 850,000 habitantes.[3].

Edimburgu ye famosa pol so Festival Internacional, el festival d'actuaciones en vivo más grande del mundu, y otros festivales y convenciones desenvueltos nos meses de branu de forma más o menos simultánea, la mayoría de los cuálos xuntense so la denominación Festival d'Edimburgu. Mientres el festival la población de la ciudá dóblase. Edimburgu ye la segunda ciudá más visitada del Reinu Xuníu, dempués de Londres, con aproximadamente 13 millones de turistes al añu[4].

Edimburgu

Edimburgueses célebres[editar | editar la fonte]

Referencies[editar | editar la fonte]

  1. «Edinburgh-World Heritage Site». VisitScotland. Consultáu'l 30 de marzu de 2013.
  2. «City of Edinburgh factsheet». gro-scotland.gov.uk. Consultáu'l 30 de mayu de 2013.
  3. «Population and living conditions in Urban Audit cities, larger urban zone (LUZ)». Consultáu'l 30 de mayu de 2013.
  4. «Edinburgh second in TripAdvisor UK tourism poll». BBC News. Consultáu'l 30 de mayu de 2013.