Cueves de la Lluera

Cueves de la Lluera
	Bien d'Interés Cultural
	xacimientu arqueolóxicu y monumentu
Llocalización
País	España
Autonomía	Principáu d'Asturies
Provincia	provincia d'Asturies
Conceyu	Uviéu
Coordenaes	43°20′05″N 5°56′02″W / 43.3347°N 5.93395°O
	Cueves de la Lluera Cueves de la Lluera (Asturies)
Patrimoniu
BIC	RI-51-0010089
	Web oficial

Les cueves de la Lluera son dos cavidad naturales de pequeñes dimensiones (dacuando utilízase la denominación cueva de la Lluera pa la principal, resalvando la pequeña, y dende el puntu de vista arqueolóxicu cueva de la Lluera I y cueva de la Lluera II). Contienen representaciones prehistóriques del Paleolíticu, que s'atopen na parroquia de Les Caldes, nel conceyu d'Uviéu, Asturies. Tamién s'han encontradon restos arqueolóxicos de dómina Solutrense (21 000 a 17 000 AP) y del Magdaleniense Superior final. Los primeros asociaos con parte de los grabaos.^[2]^[3]

Descripción[editar | editar la fonte]

La cueva principal foi afayada en 1979 y consiste en dos curties galeríes que se xunen pel interior y comparten una mesma boca empobinada al sur-sureste y contién una serie de grabaos, concentraos na galería occidental, la más amplia, empecipiándose na antoxana y enfusando unos cinco metros escontra l'interior.

Les representaciones empiecen na paré oeste del pórticu cola d'un caballu solitariu. Progresando escontra la galería topamos la representación d'un uro o gran bóvidu, un caballu, una ciervo y un machu cabrío.^[3]^{[nb 1]} Esti conxuntu, obra d'un mesmu momentu, destaquen otres figures inacabadas d'animales.

Yá nel interior de la galería, y en zona de menor llume, un cuéncanu bautizáu como la Gran Fornica axunta'l repertoriu figurativu más ellaboráu y suxestivu del covarón. Frente al tracamundiu de lo precedente, equí reina l'orde nun bestiario apoderáu pola fórmula carauterística caballu-bóvidu. Dos uros, la indicación del sexu ye notable en dambos, dispónense inclinaos de derecha a izquierda cola cabeza empobinada escontra l'esterior del cuévanu. Dambes figures tán completes, coles cabeces estendíes palantre como un allongamientu de los cuerpos poderosos sofitaos en curties pates. Dalgún bóvidu más, caballos incompletos, delles venaes, bisontes formen parte tamién del conteníu d'esta zona.

Na paré oriental, nel denomináu Frisu Anterior, dos grandes venaes, una de les cualos avérase al metro y mediu de llargor, fragmentos de figures inacabadas, etc. Nel Frisu Mediu apaecen, ente otros, unes venaes y un machu cabrío. Na Pequeña Fornica, dos animales que podríen ser mamuts.

Cincuenta metros agües arriba ábrese otra pequeña cueva, que los sos murios acueyen una quincena de figures xeométriques realizaes cola mesma téunica que na anterior, apaez el triángulu sexual femenín.

Estes cueves podríen actuar como santuarios esteriores complementarios, resultando de la suma de los conteníos artísticos de dambos, figurativismo na primera y astracción na segunda, el modelu iconográfico carauterísticu de les fases de maduror del arte rupestre paleolíticu.

Accesu[editar | editar la fonte]

Llegar pela carretera de Grau-Uviéu (N-634), tomando la esviación escontra Les Caldes y a la derecha pola AS-322 dende la que se xube a Les Caldes.

Notes y referencies[editar | editar la fonte]

Notes[editar | editar la fonte]

↑ Según indica Altuna, munchos de los trabayos sobre les representaciones del Paleolíticu cimeru utilicen términos de forma non precisa o errónea. Asina por casu, nun esiste en zooloxía la familia de los «cápridos», una y bones les cabres pertenecen a la familia de los «bóvidos», a la que tamién pertenecen bisontes o uros, pero'l términu bóvidu nun dexa estremar un bisonte o un uro. Daqué asemeyáu asocede col términu cérvidu que según autores puede incluyir a los renos y cuasi nunca inclúi a los corzos y otros que tamién son cérvidos (Altuna, 2002, pp. 21-22).

Referencies[editar | editar la fonte]

↑ «base de datos de monumentos de Wiki Loves Monuments» (13 payares 2017).
↑ «Les cueves». Cueves de la Lluera. Archiváu dende l'orixinal, el 13 d'abril de 2014. Consultáu'l 12 d'abril de 2014.
↑ ^3,0 ^3,1 Gobierno del Principáu d'Asturies. «Cueva de la Lluera». Tito Bustillos. Centru d'arte rupestre. Archiváu dende l'orixinal, el 27 d'avientu de 2013. Consultáu'l 12 d'abril de 2014.

Bibliografía[editar | editar la fonte]

Altuna, Jesús (xineru-febreru de 2002). «Los animales representaos nel arte rupestre de la Península Ibérica. Frecuencies de los mesmos». MUNIBE (Antropologia-Arkeologia) (San Sebastián: Sociedá de Ciencies Naturales ARANZADI) (54): páxs. 21-33. ISSN 1132-2217. http://www.aranzadi-zientziak.org/fileadmin/docs/Munibe/2002021033AA.pdf. Consultáu'l 26 d'abril de 2012.

Enllaces esternos[editar | editar la fonte]

Web oficial de la cueva.
https://artepaleoliticoenasturias.com/investigacion-y-paraiso-rupestre/la-lluera/

[4] Según indica Altuna, munchos de los trabayos sobre les representaciones del Paleolíticu cimeru utilicen términos de forma non precisa o errónea. Asina por casu, nun esiste en zooloxía la familia de los «cápridos», una y bones les cabres pertenecen a la familia de los «bóvidos», a la que tamién pertenecen bisontes o uros, pero'l términu bóvidu nun dexa estremar un bisonte o un uro. Daqué asemeyáu asocede col términu cérvidu que según autores puede incluyir a los renos y cuasi nunca inclúi a los corzos y otros que tamién son cérvidos (Altuna, 2002, pp. 21-22).

[19816eca3521722364681bd5ae7eca8ed3d2632c-1] «base de datos de monumentos de Wiki Loves Monuments» (13 payares 2017).

[Weboficial-2] «Les cueves». Cueves de la Lluera. Archiváu dende l'orixinal, el 13 d'abril de 2014. Consultáu'l 12 d'abril de 2014.

[Tito-3] 3,0 ^3,1 Gobierno del Principáu d'Asturies. «Cueva de la Lluera». Tito Bustillos. Centru d'arte rupestre. Archiváu dende l'orixinal, el 27 d'avientu de 2013. Consultáu'l 12 d'abril de 2014.

[1]

[2]

[3]

[nb 1]