N-634

De Uiquipedia
Saltar a: navegación, buscar

La Carretera Nacional 634 ye una vía terrestre que va p'ente'l barriu de Recalde en San Sebastián y Santiago de Compostela a lo llargu de tola costa cantábrica. Esta carretera ye de doble sen y la so llonxitú ye d'algo más de 730 km.

Tramos paralelos de la A-8 y de la N-634 en Kareaga, Barakaldo, Vizcaya
Ponte de la Maza, en San Vicente de la Barquera, Cantabria

Pasa poles Comunidaes Autónomes del País Vascu (Guipúzcoa y Vizcaya), Cantabria, Asturies y Galicia (provincies de Lugo y La Coruña). Foi sustituyida por delles autovíes a lo llargu del so recorríu, quedando la N-634 na mayor parte destinada a dar un serviciu de tráficu llocal a les poblaciones peles que pasa.

Va unos 15 km pela costa guipuzcoana ente les localidaes de Zarautz y Zumaya. Esti tramu foi mui conflictivu debíu a los munchos argayos que surden al tar la mar pegando col monte.

Nel 2007 construyose una caleya pa la xente que xune Zarautz con Guetaria nel arcén d'esta carretera.

Nel País Vascu y Cantabria, el so trazáu ye paralelu al de la Autovía del Cantábrico A-8, a escepción del tramu Solares - Torrelavega na Comunidá cántabra, onde se proyeuta construyir el tramu correspondiente de la A-8. No obstante, esti tramu pode salvase pola autovía, faciendo escasos kilómetros más, gracies a la S-10 Solares - Santander y a l'A-67 Santander - Torrelavega

Na Comunidá Autónoma asturiana, yeren menos los tramos de la N-634 que güei tienen trazáu paralelu pola autovía. Asina, el tramu entre Xunquera, nes llendes d'Asturies y Cantabria, y Llanes, ya na comunidá asturiana, s'atopan güei en proyeutu. El tramu Llanes - Ribeseya s'atopa en serviciu a traviés de la nomada A-8.

Tras pasar Ribeseya, la N-634 despide a xu hermana mayor, la Autovía del Cantábricu A-8, y abandona'l paisaxe costeru pol qu'ha discurríu desde xu ñacimientu en Guipúzcoa y s'interna nel interior de Principáu d'Asturies a traviés del valle que forma el Ríu Sella en dirección a Les Arriondes. Atraviesa tamién L'Infiestu y Nava pa llegar a Lieres, onde una nueva autovía, l'A-64 ocupa xu inicial trazáu y conduci hacia Uviéu. Una vez que dexa atrás Uviéu, l'autovía A-63 (Uviéu - L’Espina), van en paralelu'l trazáu de la N-634 disminuyendo xu recorríu sensiblemente en cuanto a tiempu y kilómetros recorridos. Güei, esta autovía s'atopa en serviciu fasta Grao, población a partir de la cuál la N-634 sigue siendo l'únicu exe de comunicación hacia'l sur occidente asturianu. Fasta Grau, les dificultaes montañoses de la N-634 no foron escesives, si bien, a partir d'equí s'entama l'ascensu al Alto de Cabruñana, que sirve de llende natural y alministrativa dellos conceyos de Grau y Salas. El descensu termina en Curniana, población na cuál se crucia el Ríu Narcea y pónse rumbu a la segunda y más pronunciada dificultá montañosa, el Puertu de la Espina (650 m), cuyu ascensu entama en Salas y finaliza en L'Espina coona llonxitú de 12 km y un desnivel de 500 m; el descensu tien 33 km de llonxitú y sálvense 600 m de desnivel, trescuerre pelos conceyos de Salas una pequeña parte de 10 km nos que sálvense 400 m y el restu en Valdés, aprovechando nos últimos tramos el valle del Ríu Esvia, llegando fasta Caneru y volviendo de nuevu a la costa cantábrica qu'había dexáu atrás.

En Caneru, regresa al llau de xu hermana mayor, la Autovía del Cantábricu A-8, anque ésta aínda ta en construcción nestos tramos. Únicamente s'atopan en serviciu'l tramu Variante de Navia que sirve de circunvalación pa la villa del mesmo nome.

Tras Navia, la N-634 atraviesa El Franco y Tapia, pa salvar la Ría de Ribadeo gracies al Ponte dellos Santos y adientrase en Galicia. Ribadeo ye la población encargada de darla la bienvenida a les tierras galaiques.

Pocos kilómetros dempués de Ribadeo s'atopa la segunda más pronunciada de sos dificultaes montañoses, l'Altu de Mondoñedo o Porto da Xesta (590 m) . Tras el descensu, se llega a Baamonde, población onde nuevu la N-634 se topa coona autovía. Nesti casu ye l'A-6 o Autovía del Noroeste Madrid - La Coruña qu'aprovecha l'antiguo trazáu de la carretera nacional fasta la contorna de Guitiriz, onde ésta retoma xu identidá y entama xu recta final, encaminándose hacia Santiago de Compostela.